Versets bíblics populars de Deuteronomium 6

Comparteix

Rwyt i garu’r ARGLWYDD dy Dduw â’th holl galon, ac â’th holl enaid ac â’th holl nerth.

Rwyt i’w dysgu’n gyson i dy blant, a’u trafod nhw pan fyddi adre yn y tŷ ac i ffwrdd oddi cartref, pan fyddi’n mynd i gysgu ac yn codi yn y bore.

“Paid anghofio’r pethau dw i’n eu gorchymyn i ti heddiw.

“Gwranda Israel! Yr ARGLWYDD ein Duw ydy’r unig ARGLWYDD.

Rhwyma nhw ar dy freichiau i dy atgoffa di, a gwisga nhw ar dy dalcen i’w cofio.

Ysgrifenna nhw ar ffrâm drws dy dŷ, ac ar giatiau’r dref.

Rhaid i chi barchu’r ARGLWYDD eich Duw, a’i wasanaethu e, a defnyddio’i enw e’n unig i dyngu llw.

“Roedd yr ARGLWYDD wedi addo rhoi gwlad i’ch hynafiaid, Abraham, Isaac a Jacob – lle mae dinasoedd mawr hardd wnaethoch chi ddim eu hadeiladu; tai yn llawn pethau wnaethoch chi mo’u casglu; pydewau wnaethoch chi ddim eu cloddio; gwinllannoedd a choed olewydd wnaethoch chi mo’u plannu. Digon i’w fwyta! Pan fydd yr ARGLWYDD yn dod â chi i’r wlad yna, peidiwch anghofio’r ARGLWYDD wnaeth eich achub chi o wlad yr Aifft, lle roeddech chi’n gaethweision.

“Dyma’r gorchmynion, y rheolau a’r canllawiau roddodd yr ARGLWYDD eich Duw i mi i’w dysgu i chi, er mwyn i chi eu cadw nhw yn y wlad lle dych chi’n mynd. Byddwch chi’n dangos parch at yr ARGLWYDD eich Duw drwy gadw’i reolau a’i orchmynion – chi, eich plant, a’ch wyrion a’ch wyresau. Cadwch nhw tra byddwch chi byw, a chewch fyw yn hir.

Gwnewch beth sy’n iawn yn ei olwg, a bydd pethau’n mynd yn dda i chi. Bydd yr ARGLWYDD yn gyrru’ch gelynion chi allan, a byddwch yn cymryd drosodd y wlad dda wnaeth Duw addo i’ch hynafiaid y byddai’n ei rhoi i chi.

Cofiwch fod yr ARGLWYDD eich Duw, sydd gyda chi, yn Dduw eiddigeddus. Bydd e’n digio gyda chi ac yn eich gyrru chi allan o’r wlad.

Peidiwch addoli duwiau’r bobl o’ch cwmpas chi.

“Paid rhoi’r ARGLWYDD dy Dduw ar brawf, fel y gwnest ti yn Massa.