Versets bíblics populars de Deuteronomium 30

Comparteix

“Dw i’n galw’r nefoedd a’r ddaear yn dystion yn eich erbyn chi. Dw i’n gosod dewis o’ch blaen chi – bywyd neu farwolaeth, bendith neu felltith. Felly dewiswch fywyd, a chewch chi a’ch disgynyddion fyw! Rhaid i chi garu’r ARGLWYDD eich Duw, gwrando ar beth mae e’n ddweud ac aros yn ffyddlon iddo. Fe ydy’r un sy’n rhoi bywyd, a fe fydd yn eich galluogi chi i fyw yn y wlad wnaeth e addo ei rhoi i’ch hynafiaid chi, Abraham, Isaac a Jacob.”

Beth dw i’n ei orchymyn i chi ydy i chi garu’r ARGLWYDD eich Duw, byw fel mae e eisiau i chi fyw, a chadw’i orchmynion, ei reolau, a’i ganllawiau. Wedyn byddwch chi’n byw ac yn llwyddo, a bydd yr ARGLWYDD eich Duw yn eich bendithio yn y wlad dych chi ar fin ei chymryd.

“Edrychwch! Dw i wedi rhoi dewis i chi heddiw – bywyd a llwyddiant, neu farwolaeth a dinistr.

Mae’r gorchmynion gen ti wrth law; ti’n eu deall ac yn gallu’u dyfynnu ar y cof. Felly gwna beth maen nhw’n ddweud.

Bydd yr ARGLWYDD eich Duw yn eich newid chi o’r tu mewn, i’ch gwneud chi a’ch disgynyddion yn bobl go iawn iddo. Byddwch yn ei garu â’ch holl galon ac â’ch holl enaid, ac yn cael bywyd!

Bydd yr ARGLWYDD eich Duw yn gwneud i bopeth wnewch chi lwyddo. Byddwch chi’n cael lot o blant, bydd eich anifeiliaid yn cael rhai bach, a bydd cynnyrch y tir yn llwyddo. Bydd yr ARGLWYDD eich Duw wrth ei fodd gyda chi, ac yn gwneud i chi lwyddo, fel roedd e wrth ei fodd gyda’ch hynafiaid chi

“Ond os byddwch chi’n troi oddi wrtho a gwrthod gwrando arno, ac yn cael eich denu i addoli duwiau eraill, dw i’n eich rhybuddio chi, byddwch chi’n cael eich dinistrio! Gewch chi ddim aros yn hir iawn yn y wlad dych chi’n croesi afon Iorddonen i’w chymryd.

“Dydy beth dw i’n ei orchymyn i chi heddiw ddim yn anodd i’w ddeall, nac yn amhosib i’w gyrraedd.

Dydy e ddim yn y nefoedd, fel bod rhaid i rywun ofyn, ‘Pwy wnaiff fynd i fyny i’r nefoedd i’w gael i ni, a’i gyhoeddi er mwyn i ni wneud beth mae’n ddweud?’

A dydy e ddim ym mhen draw’r byd, fel bod rhaid gofyn, ‘Pwy wnaiff fynd dros y môr i’w gael i ni, a’i gyhoeddi er mwyn i ni wneud beth mae’n ddweud?’