Versets bíblics populars de Ghlɔɔmö a ‑nʋa 4

Comparteix

Sɛ'ɛ n gbää nɩɩ, Ablaamö, ɔ ‑yi a sɛ nɩɩ, Lagɔ ‑kä bhïlaa, 'ɔ 'saa ɔ bhïlaa da'aa, ɔ bhɛnɩ ɔ 'kɩ 'yli 'wälanɩ klɩpaa. Zaa, Lagɔ 'nyɔɔ wɛlɩ 'la, ɔ'ɔɔ gʋgɔ 'lɩlɩlɩ, ‑maa dlɩ ɔ 'tɛɛniiɛ, mɩɩ pälɔɔɔ tenyii swɩ yɔwʋ 'n ɔ yiɛ Lagɔ a 'nglɩ 'ghlimanɩ.

Sɛ'ɛ yɩ cɛlɩɛ ɔ dɛ ‑mä Lagɔbɔgʋʋ 'mö nɩɩ, Lagɔ lɛ naa: Ngäya a ‑bɛ a dɩba n 'zʋamöä 'wʋ. ‑A 'wuë, Ablaamö a yuë ‑a glɩnɩɛ ‑mä Lagɔ ɔ 'tɛɛnɩɛ dlɩ a 'yila 'klʋ. Lagɔ, mɔɔ gälaa 'kuduwaa, mɔɔ sʋä gluu, 'saa 'nɩɛ 'kɔ 'wʋ ‑wʋʋ, mɔɔ lɛmuä 'kɔ 'wʋ.

Zezwii, 'mö Lagɔ 'wlʋä ‑aa 'nyinyloli a za 'mö 'n ɔ yiɛ 'ku. 'Mö ɔ gälaa 'n ɔ yoo glu ‑sɛ, nzɩɩ ɔ ‑kanyɩ 'mözlɔnɩwa 'wʋ 'zʋa.

Wɛlɩɩ Lagɔ 'nyɛɛ Ablaamö, 'mö ɔ 'kää dlɩ 'wʋ a za, dɛɛ nɩkpɛ a dlɩ 'naa 'kä'ɛ 'wʋ 'tɛɛnɩɩ, ‑lɛ 'ɔ dlɩɩ 'tɛɛnɩɛ 'wʋ, ‑sɩbhä a za 'n ɔ yiɛ ngäya 'kɔkɔmlɛ a dɩba 'zʋ. ‑Sɩbhä Lagɔ 'nyɔ a‑a 'dɩ, nɩɩ: Sa'a ‑sɩbhä ‑na 'yuë a 'yuë 'kää 'wʋ ‑di.

Nza n gbää nɩɩ, 'saa Lagɔ gbä a‑a ɔ 'kä Ablaamö a 'yuë a 'yuë 'nyɛɛ, nɩkpaa 'wuë ‑wa 'tɛɛnɩɛ Lagɔ dlɩ cuu, wa ‑luä. 'Fʋ a 'nyɛnyɛlu wʋ glɩnɩɛ. ‑Lɛ a dɔ'wʋ Ablaamö a 'yuë a 'yuë 'wuë 'saa Lagɔ gbää ɔ 'kʋä 'nyɛɛ, wa yu ‑tiamö ghlɩ. 'Ɔ yuëa ‑wa ‑gänɩɛ Lagɔ 'a Gböö a 'yioo, ɛ'ɛ ‑bhö wa 'yize muë, ‑maa ‑muë'la 'wuë ‑wa 'tɛɛnɩ Ablaamö a sɛ Lagɔ dlɩ cuu, wa yu ghlɩmö. Nza n gbä a‑a nɩɩ, ‑abhʋaa 'tɛɛnɩɛ Lagɔ dlɩɩ, ‑aa dɩba Ablaamö glɩnɩɛ.

Nɩkpaa ‑wanyɩɩ 'zoku a gbʋ Lagɔ 'tatinɩɛ 'yi, 'n ‑wanyɩ 'nyinylolii ɔ 'titliɛ 'wʋʋ, 'wa ‑jɔlʋ! Nɩkpɛɛ ‑ɔnyɩɩ nyinylolii Lagɔ 'nɩ yɩlɩɛ 'klʋ 'lɩlɩlɩɩ, 'ɔ ‑jɔlʋ!

Nyɩasɛ n'n‑ä ‑sɩbhä gbä, ‑maa Lagɔbɔgʋʋ 'mö, sɛ'ɛ yɩ cɛlɩɛ ‑mä ɔ dɛ nɩɩ: Ablaamö, Lagɔ 'a bhïlawɛlɩɩ, dlɩ ɔ 'tɛɛniiɛ, mɩɩ kää 'nglɩ 'n Lagɔ yoo 'mözlɔnɩnyɔ 'mö 'wʋ 'libhï.