Versets bíblics populars de Ghlɔɔmö a ‑nʋa 12

Comparteix

Mä'ä 'pɩwʋ a nɩkpaa ‑waaa Lagɔ ‑yii, a nɩ tɩ wa saa nɛmö. ‑Maa a nɩ 'tatinɩ Lagɔ 'yi, ɔ 'kanyɩ dlɩpänɔlulu 'nyɛ, a 'kä 'mö zigbonɩ 'tɩɩ. ‑Sɩbhä a dɔ'wʋ, 'saa Lagɔ yɩbhää a nɩ nʋ, 'saa nɛnɔɔ dlɩ yɔwʋ, 'saa ‑wʋä ‑kpöö, a yi yɩbhlɩnɩ.

‑Atʋayuënyɩ, sɛɛ Lagɔ 'pää a 'wuë a ngäzɩdlɩ a za, yɔwʋ n bhibheanyɩɛ nɩɩ, a nɩ 'nyɛ anyɩ Lagɔ yowʋ bʋbɔnɩlu a ‑mu ‑gä, ‑wʋ ‑wʋ 'wlɩlɩ, ‑wʋ nɛnɩ Lagɔ dlɩ yɔwʋ a sɛ. ‑Lɛ a dɔ'wʋ 'a Lagɔ a bʋbɔbʋbʋʋ yi ‑lu a ‑lu glɩnɩ.

'Saa Lagɔ 'kanyɩɛ 'nyɛ a za, a dila nɩ 'tɛɛ 'wʋ, a nɩ ‑wʋ 'mäna 'mö 'yize. A ‑kä 'zwɩ zi dɔ'wʋ ‑wʋʋ, a nɩ ‑kpaanɩ dlɩ 'mö. Lagɔ a bhibhebhibhe dɔ'wʋ, swɩ nɩ tanyɩ yɔwʋ 'kunɩ.

Tɩ 'wʋ nglu 'nyinylolii nɩ ‑tɩmö 'wlu 'plɩnɩ, ‑maa ‑li a ‑lii, mö ‑n nɩ nʋ, yɩ 'kä 'zokuu sɛ ‑sɛ.

‑Daayuë a ‑muëë ‑wawanɩ'ɛ a sɛ, a nɩ ‑käkänɩ ‑sɩbhä 'mäna 'mlɩ. A 'kä ‑lɛ 'zʋzʋnɩ a gbʋ nɩ plɛnanyɩ tenyii.

'A ‑wawʋʋ, wʋ nɩ tɩ 'kwlɩsɔkäkʋ 'mö ‑kä. ‑Lizoku a kii 'wuë, a nɩ panii ‑gömö. A nɩ nʋ 'kwädlɩ ‑li a ‑li.

Nɩkpaa 'wuë, a ‑nyʋä 'kä ‑wanɩ a dɔ'wʋ, a'bhï 'a 'saa a bhɛnɩɛ a 'kä nʋ a ‑nyʋä 'kä ‑wanɩɩ, a nɩ nwi.

‑A'bhɩanyɩ, a nɩ tɩ anyɩ a kpa ‑sɛ, ‑maa a nɩ yɩlɩ Lagɔ kä'mö. Ɛ'ɛ ‑bhö nyɩasɛ, ‑maa sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: ‑Alowli Lagɔ lɛ naa: Na 'yize, ‑amöö kää n 'kä kpa ‑sɛ. ‑Lizokuu nɩkpaa nʋä, ‑amöö 'kʋää yɩ 'pɛna 'nyɛ.

A nɩ tɩ nɩkpa a ‑muë swɩ ‑kuunɩɛ yɔwʋ glɩnɩ, ‑maa a nɩ ‑su ku 'mö a 'kä ‑Alowli 'yli ‑wʋ.

Sɛɛ Lagɔ paaa 'nyu a za, a 'wuë 'dɩ n nyanyɩɛ dɛ'ɛ bhʋlʋbhlʋ nɩɩ: A gla'mö a ‑nɔ ‑bhlʋ a'bhë, ɔ nɩ tɩ ɔnyɩ 'kɔdʋ 'mö 'wʋ 'libhï. ‑Maa a 'wuë a nɩ ‑lɛ anyɩ dʋdʋ 'wʋ. Sɛ a 'tɛɛnɩɛ Zezwii dlɩ a za, Lagɔ kanyɩ bhʋlʋbhlʋ 'nyu 'pä a 'kä 'ɔ libhoo nʋ.

Nɩkpɛ ‑kaanyɩ ‑lizoku 'wlu nʋʋ, a nɩ tɩ yɩ kpa ‑sɛ. 'Saa glɩnɩɛ nɩkpa 'wuë 'yila 'klʋ a dɔ'wʋ ‑li a ‑li, 'mö a nɩ tɛlɩ sɛ a 'kɩ nʋ.

A 'wuë a nɩ ‑wʋnɩ ‑tiamö 'wʋ. 'A dila nɩ tɩ 'nglɩmöli ‑gänɩ, ‑maa ‑yɩɩɛ dɛsɛ ‑kä a gbʋʋ mʋʋ nɩ plɛnanyɩ. A nɩ tɩ anyɩ 'nɛɛnɩwa 'mö 'wʋ 'libhï.

Sɛ'ɛ yɩ cɛlɩ'ɛɛ ‑mä nɩɩ: ‑Na'a ‑gblɩnyɔɔ, ngɔmʋ ‑kɔɔ 'lɩbhää, 'nyɔ ɔ 'kä li. 'Nyutʋ ‑kɔɔ 'lɩbhää, 'nyɔ ɔ 'kä 'nɩmä. ‑N ‑kä sa'a 'zʋʋ, ‑na'a ‑li a ‑li 'la yo zʋ 'lɩbha.

Nɩkpaa ‑wa 'yɩanyɩɛ 'klɩɩ, a nɩ 'pʋä 'nyu. A nɩ 'pä nɩkpa 'nyu, ‑maa a nɩ tɩ nɩkpa bhätlɩnɩ. ‑Ɔ ‑wʋä 'mäna 'möö, a ‑nyɔɔ 'sɔ a nɩ nʋ 'mäna, ‑ɔ wiɛ, a nɩ 'winɔ.

A 'bhɩa Zezwii a ‑nʋa ‑waaa ‑lu ‑kää, a nɩ yuë 'wʋ. Nɩkpaa ‑wa yeanyɩɛ 'wʋ plɛɛ, a nɩ pölʋä sasɛ.

A nɩ 'pänɩɛ ‑ka nɩkpɛ a kpökpa a wɛlɩɩ dlɩ kɛ: A ‑bhli ‑bhlʋ, ‑maa a yɔwʋ a nɩmaa 'nɩɛ muënɩ, ‑sɩbhä yɩ kää bhʋlʋbhlʋ libhi. Sɛ ‑bhʋlʋ ‑kpɔ 'la, sɩbhä ‑abhʋa Zezwii a ‑nʋa, ‑sɩbhä ‑a ‑wʋmöä. ‑Tiamö abhlɩ ‑aaa muënɩ, ‑maa ‑a 'wuë, sɛ ‑a ‑glɛɛ Kliisɩ 'wʋ a za, ‑bhlʋ ‑a glɩnɩɛ, kpökpaa yɔwʋ a nɩmaa a saa, ‑sɩbhä ‑a ‑glɛglɛnɩɛ 'wʋ.