Versets bíblics populars de Ghlɔɔmö a ‑nʋa 10

Comparteix

Zaa, ‑n ‑kɩɩ nɩkpabhë a 'yila 'klʋ ngli ‑sɛ nɩɩ, ‑Alowli, mɔɔ glɩnɩɛ Zezwii, ‑n ‑kɩɩ'ɛ ‑tiamö dlɩ 'wʋ ‑kä nɩɩ, Lagɔ gäla Zezwii 'n ɔ yoo glu ‑sɛɛ, ‑n yi Lagɔ 'a 'pʋpʋɛ ghlɩ.

Ɛ'ɛ ‑bhö nyɩasɛ, ‑maa nɩkpɛ a ‑mɔɔ 'tɛɛnɩɛ Zezwii dlɩ cuu, ‑mä 'ɔ dlɩɩ 'wuë zɛmöö, mɔɔ zlɔnɩɛ 'mö Lagɔ a 'yila 'klʋ a dɔ'wʋ. ‑Mɔ sɩ'ɛɛ nɩkpabhë a 'yila 'klʋ ngli nɩɩ, Zezwii mɔɔ glɩnɩɛ ‑Alowlii, mɔɔ 'kää 'pʋ.

'Lɩlɩlɩ a dɔ'wʋ, ‑ɔ nʋä 'Mänatɩtɩɩ, mɔɔ ghlɩɛ dlɩ'wʋkänɔ, 'Mänatɩtɩ 'la, Kliisɩ 'a wɛlɩɩ miɛ.

Nza yɩ cɛlɩ'ɛɛ ‑mä Lagɔbɔgʋʋ 'mö nɩɩ: «‑Ɔ ‑kɔɔ dlɩ 'tɛɛnɩɩ, ɔ 'naa 'kä 'yila 'tikïyie ghlɩ.» Wɛlɩ 'la, nɩkpa 'wuë, ‑wa yi Zwiiföwa glɩnɩ oo, ‑wa 'nɩ Zwiiföwa glɩnɩ oo, wa ‑liɛ. Wa 'wuë, Lagɔ mɔɔ glɩnɩɛ wa ‑lowli. Zaa, ‑ɔ ‑kɔɔ 'mö 'winɩɩ, ɔ ngäzɩdlɩ ɔ pää. Sɛ'ɛ yɩ cɛlɩɛ nɩɩ: ‑Alowli Lagɔ, ‑ɔ ‑kɔɔ 'mö 'winɩɩ, mɔɔ 'kää 'pʋ.

Tɩtɩ 'la a'bhë, nɩkpaa ‑wa 'kɩɛ bia 'n wa 'nuë tiee, sɛ wa 'kɩ bhä bia 'nɩ? Nza yɩ cɛlɩɛ ‑mä Lagɔbɔgʋʋ 'mö, nɩɩ: Nɩkpaa wa tiee, ‑wa ‑lɛmöä 'Mänatɩtɩɩ, a yɩɛ 'wa kplɩɩ, sɛ yɩ nɛnɩɛ 'ylimöö .

Sɛ'ɛ ‑n 'kää ‑kamä nɩɩ: Sɛ wa 'kɔ bhä 'mö 'winɩ 'n wa 'nɔ dlɩ 'wʋ ‑kä? 'Ɔ 'Mänatɩtɩɩ, wa 'ni 'nʋʋ, sɛ wa 'kɩ bhä dlɩ 'wʋ ‑kä 'nɩ? Nɩkpɛ 'nuënyɩ'ɛ 'nyɛɛ, sɛ wa 'kɩ bhä 'nʋ 'nɩ?

Sɛɛ n gbää nɩɩ, Zezwii Kliisɩ, 'mö Gböö 'bhlenɩɛ. Zaa, ‑ɔ 'tɛɛnɔa'aa dlɩ cuu, mɔɔ zlɔnɩɛ 'mö Lagɔ a 'yila 'klʋ a dɔ'wʋ.