Versets bíblics populars de Ghlɔɔmö a ‑nʋa 1

Ghlɔɔmö a ‑nʋa 1:16

BdG2

bet

'Mänatɩtɩ 'la, n 'kɩ bia a dɔ'wʋ, yɩ ‑nɩɩɛ zʋ 'wʋ ‑bhö. Ɛ'ɛ ‑bhö nyɩasɛ, ‑maa Lagɔ a 'mötɛɛnɔ yɩ glɩnɩɛ. Nɩkpaa a kii 'wuë ‑wa 'tɛɛniɛ dlɩ, yɩ yuë puë, 'tɛɛnɩ Zwiiföwaa 'wʋ 'wë, ‑n 'kä ‑waaa Zwiiföwa glɩnɩ 'wʋ ghlɛ.

Compara

Explorar Ghlɔɔmö a ‑nʋa 1:16

Ghlɔɔmö a ‑nʋa 1:17

BdG2

bet

Sɛɛ nɩkpɛ 'kää 'mö zlɔmanɩ Lagɔ a 'yila 'klʋ a dɔ'wʋʋ, ‑sɩbhä 'Mänatɩtɩɩ kälɩɛ 'klʋ. Sɛɛ yɩ nʋä nɩɩ, Lagɔ a dlɩtɛɛnɩtɛnɛ, tɛɛnɩ ‑mä ɛ tɛɛnɩdɛ 'wʋ ‑këë ‑n 'kä ‑mä ɛ gbë 'wʋ ghlɛ, ɛ 'yize cuu, mɛɛ kää 'nglɩ 'n nɩkpɛ zlɔmanɩɛ 'mö Lagɔ a 'yila 'klʋ a dɔ'wʋ. ‑Sɩbhä yɩ cɛlɩɛ 'kɩ ‑mä Lagɔbɔgwɩɩ 'mö nɩɩ: ‑Ɔ 'tɛɛnɩɛ Lagɔ dlɩɩ, mɔɔ zlɔnɩɛ 'mö Lagɔ a 'yila 'klʋ dɔ'wʋ, zaa mɔɔ 'kää ‑bhölɩ.

Compara

Explorar Ghlɔɔmö a ‑nʋa 1:17

Ghlɔɔmö a ‑nʋa 1:20

BdG2

bet

Lagɔ 'a 'mötɛɛnɔɔ ‑wʋʋä 'bhlenɩdɛ ‑kä ‑nyɛ ɔ'bhë a 'saa ɔ glɩnɩɛ 'sɔ, nɩkpɛ 'niɛ 'wʋ yɩlɩ. ‑Maa sɛɛ 'pɩwʋ 'maa 'kä a tɛɛ a ‑lii ɔ ‑bhɛɛ 'mö, ‑mä nɩkpa 'kɩ a‑a yɩbhlɩnɩ. Zaa, nɩkpɛ 'nɩɛ zugwë ‑kä.

Compara

Explorar Ghlɔɔmö a ‑nʋa 1:20

Ghlɔɔmö a ‑nʋa 1:21

BdG2

bet

Wa 'wuë wa ‑yi sɛ nɩɩ Lagɔ, ɔ ‑bhölɩ. ‑Maa sɛɛ nɩkpɛ kä a‑a 'lɩlɩlɩ a dɔ'wʋ ɔ 'kä Lagɔ 'a nglɩɩ 'ghlimanɩɩ, wa'a 'zʋ ‑sɩbhä, wa'a bhälɔɔ 'ɔ ‑li a ‑li a za. ‑Maa ‑lii ‑yɩɩɛ dɛ sɛ ‑kä 'lɩlɩlɩɩ, 'mö 'wa cɛlɩɩ ‑gänɩɛ, wa'aa 'yɩbhä Lagɔ 'kä 'wa dlɩpäsɛzokwëa 'wʋ ngäla zaa, 'n wa yiɛ ‑lizoku a 'yize a nʋnʋwa 'zʋ.

Compara

Explorar Ghlɔɔmö a ‑nʋa 1:21

Ghlɔɔmö a ‑nʋa 1:25

BdG2

bet

Sɛ'ɛ n gbää nɩɩ, Lagɔ 'a ‑tiamö a wɛlɩɩ 'mö wa zigbanɩɛ yiodɩ 'mö. Miɛ nɩɩ ‑lii Lagɔ ‑bhɛ a‑a, 'mö wa bʋbɔɔ, ‑maa ‑lii 'wuë a 'wälanyɔ Lagɔ a'bhë wa kä a‑a wa 'kä bʋbɔɔ, wa 'nɔɔ bʋbɔ. Lagɔ 'a nglɩɩ, yɩ nɩ 'ghlimanɩ 'kwädlɩkwädlɩnɩ. ‑Amɛɛ!

Compara

Explorar Ghlɔɔmö a ‑nʋa 1:25

Ghlɔɔmö a ‑nʋa 1:18

BdG2

bet

‑Mä ghäyɩ 'wʋ, ‑mä Lagɔ 'a klɛɛ 'bhöönɩɛ 'n ɛ bhlinɩɛ nɩkpa 'wuë ‑gömö. Sɛ wa 'nɔɔ bʋbɔ 'lɩlɩlɩ 'n wa nʋä ‑lizoku a kii 'wuë a za. ‑Mä 'wa nʋnʋlizoku 'la 'mö, gbëaa, 'mö wa gwaa 'klʋ.

Compara

Explorar Ghlɔɔmö a ‑nʋa 1:18

Ghlɔɔmö a ‑nʋa 1:26-28

BdG2

bet

Sɛ'ɛ n gbää nɩɩ, 'wa sa'a a za, Lagɔ kʋä 'yi 'tatinɩ, ‑lizokuu 'wa dilaa 'pänuëë 'wʋ ‑yɩ ‑bhöä zʋ 'wʋʋ, wa 'kɩ nʋ. Miɛ nɩɩ ngwlɩɩ, nyɩbhɛlɩ a 'tʋ 'nuëa'a 'lɩbhä, ‑maa wa 'bhɩangwlɩɩ a tʋʋ lɩbhʋää, 'mö wa ‑nyɛɛ pöä sɛ. Sɛ ‑bhʋlʋ ‑kpɔ 'la, ‑sɩbhä nyɩbhɛlɩɩ 'zʋmö'ɛɛ. 'Ngwlɩ a 'tʋ 'nuëa'a 'lɩbhä, ‑maa wa 'bhɩanyɩbhɛlɩ a'bhï, wa tʋʋ lɩbhʋää tenyii, 'mö wa ‑nyɛɛ pöä sɛ. ‑Lizoku ‑yɩ ‑bhöä zʋ 'wʋ, wanyɩgäsɛ sa'a wa nwiɛ wanyɩ 'wlu. Sa'a wa panɩɛ Lagɔ ‑gömö 'n wa yiɛ tʋʋ. ‑Sɩbhä a za, Lagɔ yuë 'wa 'nyinylolii a 'pɛna 'nyɛ. Sɛɛ wa'a 'yɩbhä wa 'kä Lagɔ yɩbhlɩnɩ a za, Lagɔ kʋä 'yi 'tatinɩ, 'wa ‑ɔɔ'nɛɛnɔɔ 'kʋä ‑gömö 'kämanɩ, ‑lii ‑yɩɩɛ nʋnʋsɛ ‑wʋ, wa 'kɩ nʋ.

Compara

Explorar Ghlɔɔmö a ‑nʋa 1:26-28

Ghlɔɔmö a ‑nʋa 1:22-23

BdG2

bet

Sɛ wa libhïä wanyɩ 'nɛɛnɩwa 'mö 'wʋ a za, wa yɛ ‑ɔɔ'nɛɛnɩwa 'zʋ. 'Lɩlɩlɩ a dɔ'wʋ, Lagɔ ‑ɔ 'ghïliɛ, ‑ɔɔ bhɩɛ 'ylii, 'mö wa 'kä a‑a wa 'kä bʋbɔ, ‑maa wa'aa ‑sɩbhä 'zʋ. Nɩkpɛ ‑ɔ bhɩɛɛ 'ylii, ɔ sɛ a ‑li wa bhɛnɩɛ kä'möö, zɩ, nɩma ‑yɩ kää bhɩ ‑mʋänaa, ɛ yi mi oo, ɛ yi gbisogbisonɩɩ mi oo, 'mö wa bʋbɔɔ.

Compara

Explorar Ghlɔɔmö a ‑nʋa 1:22-23

Versets bíblics populars de Ghlɔɔmö a ‑nʋa 1Comparteix

Plans de lectura i devocionals gratuïts relacionats amb Ghlɔɔmö a ‑nʋa 1

Versets bíblics populars de Ghlɔɔmö a ‑nʋa 1