Versets bíblics populars de Zaa 14

Comparteix

N ‑wʋä dɛ'ɛ mö dɔ'wʋʋ, 'tɩɩglɩglɛ 'mö n tanyɩɛ yɔwʋ. Nɩkpaa ‑wa glɩnɩɛ mä'ä 'pɩwʋ a 'yize a ‑nʋä, 'wa 'tɩɩglɩglɛɛ wa kää, ‑sɩbhä a ‑nɛ n 'nanyɩɛ yɔwʋ tɩ. ‑Maa 'tɩɩglɩglɛɛ ‑ɛ 'bhöönɩɩɛ 'mö, 'mö n tanyɩɛ yɔwʋ. Zaa, 'a dilaa nɩ tɩ 'yli klɛ, nganɔ nɩ tanyɩ 'lɩbhä.

Zezwii lɛ naa: «‑Amöö glɩnɩɛ 'yioo, ‑amöö glɩnɩɛ gbëaa, ‑amöö glɩnɩɛ ‑bhölɩbhölɛ. Nɩkpɛ 'nɩɛ bhɛnɩ ɔ 'kä ‑mä na dɩba a mä'a mö 'n ɔ ‑nɩɩ 'mö ghlɛnɩ.

'N Zezwii yiɛ ɔ ‑nʋa 'dɩ 'nyɛ nɩɩ: «Dlɩ nɩ tanyɩ 'yli klɛ ‑maa a nɩ 'tɛɛnɩ Lagɔ dlɩ, a nɩ 'tɛɛnɩɩ'ɛ dlɩ.

‑Maa n ‑kä mö 'wëë, na 'nglɩ 'mö, na dɩba Lagɔ yeanyɩ swɩnyɛmʋmöpänyɔ ‑mɔmɔɔ 'yio 'wʋ 'pä, 'Wugɔmʋʋ 'Wlɩlɩ mɔɔ. Wɛlɩɩ 'wuë n 'nyanyɩɛ, mɔɔ 'kanyiɛ 'wʋ ligbanɩ, mɔɔ 'kanyiɛ dlɩ ‑gömö ‑sɛsɛnɩ.

Sɛ'ɛ n gbää nɩɩ, 'na 'gböö, ‑ɔ ‑kɩɩ 'wlumö zʋ, sɛ yɩ gbää ‑ɔ ‑kä ‑sɩbhä nɛmöö, mɔɔ ‑waaa ‑tiamö. ‑Ɔ ‑kaa sa'a ‑waa, na dɩba Lagɔ yo ‑wamö, n yo'ɛ na a ‑wamö, n yo nanyɩ 'ylimö tulanɩ.»

‑Amö na a, n yi na dɩba yɔwʋ bhibhe, ɔ 'kanyɩ kwänɩnyɔ ‑mɔmɔɔ 'yio 'wʋ 'pä. Mɔɔ 'kanyɩɛ 'kwädlɩ ‑gömö ‑wʋ. Gbëabhïlawugɔmʋʋ, 'mö n gaaa. Nɩkpaa ‑wa glɩnɩɛ mä'ä 'pɩwʋ a 'yize a ‑nʋää, wa 'naa 'kɔ 'ylɩmö, wa 'naa 'kɔ yɩbhlɩnɩ zaa, ɔ 'naa 'kʋä ‑gömö yi 'lɩlɩlɩ. ‑Maa abhʋa abhlɩ, a ‑yoo. Ɛ'ɛ ‑bhö nyɩasɛ, ‑maa abhʋa ɔ 'kää jijo'wʋ ‑wʋ, ɔ 'kanyɩ ‑gömö ‑wʋ.

Zaa, 'saa a ‑kä na 'nglɩ 'mö 'yɩbhänɩ ‑kë, n yu nʋ. ‑Lɛ a dɔ'wʋ, Yuu yi Dɩba 'a 'ghïlinɔɔ 'yli 'wälanɩ. Sɛ'ɛ n gbää nɩɩ, 'saa a ‑kä na 'nglɩ 'mö 'yɩbhänɩ ‑kë n yu nʋ.»

«A ‑kaa ‑waa, a yi 'na 'Gböö 'klʋkpamö zʋ.

‑Mä na dɩba Lagɔ a mä'a, 'bhli a ‑bɛ ‑wʋ ‑mä. Zaa, n yɛɛ ‑mä a 'bhli 'wlu gïganɩɛ mö. Yɩ 'nɩ a ‑sɩbhä ‑wʋʋ, 'naa 'kanyɩ a sa'a 'dɩ 'nyɛ.

‑Maa n ‑kä mö, n ‑kä a 'bhli 'wlu gïganɩ 'wëë, n yeanyɩ kie yi, n ‑nyɛ abhʋa 'kä mö, nzɩɩ 'na dɛ n ‑wʋä, a 'kä ‑lɛ ‑wʋmö.

Zezwii gbää sa'aa, Tomaa lɛ naa: «‑Alowli, ‑aaa yɩ mä ‑n möä ‑yi nɩɩ, sɛ ‑a 'kä bhä ‑mä a 'yioo 'mö ‑yimöyimö 'nɩ?»