Versets bíblics populars de Nʋnʋlii 17

Comparteix

Ɔ 'zʋä sa'aa, nɩkpaa 'kä sɛ tɛlɩ wa 'kɔ yɩbhlɩnɩ a za‑a. Ɔ yɩbhlɩnɩyɩbhlɩnɛ a'bhë yi 'mö 'tɛɛ ‑kë, 'n wa ‑kä sɛ tɛlɩ wa 'kɔ yɩbhlɩnɩɩ, wa yo ‑kamä yɩbhlɩnɩ. 'Lɩlɩlɩ a dɔ'wʋ, Lagɔ, ɔ ‑nɩnyɩɛ dɛ ‑tlʋnɩ.

Nɩkpɛ ‑bhʋlʋ ‑kpöö, 'mö ɔ 'wälanɩɛ mä'ä 'pɩwʋ a nɩkpaa a kii 'wuë 'mö 'n ɔ yuëë mä'ä dʋdʋkpäta ‑gömö sɛ slu. 'Tɛnyɩ wa 'kää mä'ä dʋdʋ 'wʋ ‑sɛ, ɔ kɛ a ‑pa ‑dɩ 'wë. Bhlɩɩ wa 'kää ‑gömö glɩɩ, ɔ kɛ a yɛka 'wë.

Lagɔ ‑ɔ ‑bhɛ mä'ä 'pɩwʋ a ‑lii 'wuë, mɔɔ glɩnɩɛ zlɩɩ ‑nyɛ dʋdʋʋ 'sɔ a ‑lowlii. Ɔ'ɔ gʋʋ nɩkpasɩbhäbïdi 'mö.

Lagɔ a'bhë ɔ yɛ 'ɔ ‑zijle 'kädaa a zlɩɩ ‑dɩ. ‑Lɛ a zlɩ 'la 'mö nɩkpɛ ‑bhlʋ ɔ ‑sɛɛ ‑lɛ, 'mö ɔ 'kää 'mö ghlɛnɩ ɔ 'kä gbëaa 'bhlɩbhëa 'wuë ‑zijli tu. ‑Lɛ a nɩkpɛ 'la, nɩkpa 'lɩbhɔ 'n ɔ yiɛ 'ku, 'n Lagɔ yoo gäla 'n ɔ yoo glu ‑sɛ. Sa'a ɔ tulanɩɛ 'ylimö nɩɩ, 'mö ɔ ‑sɛɛ ‑lɛ.»

Zaa, a‑a ‑kä Lagɔ a 'yuë glɩnɩ, ‑aaa ‑kä ‑a 'kä dlɩ 'pä nɩɩ, ‑a yi dleyi 'wʋ 'libhï, ɛ ‑kä'ɛ ‑sikaa, ‑a yea 'wʋ 'libhï, ɛ ‑kä'ɛ kpiyi, ‑a ye 'wʋ 'libhï, ‑a yi dlɩ 'pä ‑a yi ‑lu tɛlɩ, wʋ yi Lagɔ glɩnɩ.