Versets bíblics populars de Nʋnʋlii 11

Comparteix

Ɔ 'bhooo kie, ɔ ‑nyɔɔ 'sɔ, 'n wa yiɛ ‑mä Atiɔsɩ 'bɩwʋ mö. Zezwii a ‑nʋa ‑wa ‑wʋä ‑mä, wa jijo'wʋ, wa ‑sɛ ‑mä 'ylʋba a ‑gëgëbhë 'n wa yiɛ wa gla'mö a ‑nʋä a ‑bɛ Lagɔ 'a wɛlɩɩ 'cɩa. Wa ‑kä zɩ'ɛ Zezwii 'a ‑gänɩwaa klɩtɩɛwa laa, ‑mä Atiɔsɩ 'la, ‑mä yɩ tɛɛnɩɛ.

Ɔ ghlɛɛ ‑mä sɛɛ Lagɔ 'pää ‑mä a ‑nʋa 'nyu, sɛ ɔ nʋä 'ɔ libhoo, ɔ 'yɩɛ ‑sɩbhä 'ylɩmöö, ɔ 'wuë 'mäna 'n ɔ yuëë swɩ nyɛmʋ 'mö 'pä, ɔ lɛ naa: «A nɩ nyɔnʋ ‑Alowli 'a wɛlɩɩ kɛ 'a dilaa 'wuë 'mö.» Banabasɩ, nɩkpɛ a ‑mɔɔ ‑gää kɛ 'mö ɔ glɩnɩɛ. 'Wugɔmʋʋ 'Wlɩlɩ ‑wɔɔ tenyii ‑gömö, ɔ 'tɛɛnɩ ‑tiasɛ Zezwii dlɩ. Zaa, ɔ bhïlaa ‑mä Lagɔwɛlɩɩ, 'n nɩkpa a 'kɔkɔmlɛ yi'ɛɛ Zezwii a ‑nʋä 'zʋ.

'Nyupälɩɩ Lagɔ ghälanyɩɛ a‑a 'wʋ, sɛ ‑a 'tɛɛnɩɛ ‑Alowli Zezwii Kliisɩ dlɩ a za‑a, 'n Lagɔ ‑kʋä 'nyupälɩ ‑bhʋlʋ ‑kpɔ 'la 'wʋ ghälamö, 'saa n glɩnɩ bhä na a 'n n 'kä ɔ ‑lii 'yila 'klʋ 'yula 'nɩ?» Sa'a Piɛlɩ 'nyʋää 'tɩtɩ. ‑Maa ɔ gbää sa'a 'wëë, wa 'wuë 'n wa dilaa yia'aa sɛ sɩbhɔ 'n wa yiɛ Lagɔ a 'nglɩ 'ghlimanɩ, wa lɛ naa: «‑Aa zaa nɩkpaa ‑waaa Zwiiföwa glɩnɩɩ, Lagɔ kʋä ‑tiamö ‑lɛ ‑sɛmö wa 'kä ligba, wa 'kä 'wa ‑lizokuu kɛ'mö ‑sɛ, ‑mä 'ɔ 'pɩwʋlelea 'wʋ, wa 'kä ‑mä 'bhle ghlɩmö.»