Versets bíblics populars de Romans 6

Comparteix

For the fee oʼ sin is death; but Godʼs gree is Eternal Life, in Jesus Christ, oor Lord!

For sin sal nae mair hae pooer ower ye; for ye are‐na aneath the Law, but aneath Free‐Favor.

We wiʼ him war buryʼt, than, in oor bapteezin intil his death; sae that eʼen as Christ was raised up frae ʼmang the deid by the glorious pooer oʼ the Faither, sae we in the new life micht walk!

Nor gie ower yere pooers, as instruments oʼ wickedness, to sin; but gie ower yersels to God, as gin leevin frae amang the deid; and yere pooers as instruments oʼ holiness to God.

Tak tent oʼ this, that oor auld man was wiʼ him crucifyʼt, sae that the body oʼ sin micht perish, that we soud serʼ sin nae mair.

And sae you yersels coont yersels as deid to sin, but leevin to God, in Christ Jesus.

What, than, are we to say? Are we to gang on in sin, that mair tender‐love may be seen? Awa wiʼ it! Hoo sal we, wha deeʼt to sin, be leevin ony langʼr inʼt?

Div ye no ken, that to the ane ye are giean yersels ower to obey as servants, servants dae ye become to wham ye gie obedience: whether aiblins it be oʼ sin, to death; or obedience, to holiness.

But thanks to God! that haein been Sinʼs servants, ye gied obedience oot oʼ the heart to yon form oʼ lear intil whilk ye war shapit; And, bein set free frae sin, ye war made into servants to Holiness.