Versets bíblics populars de Romans 14

Comparteix

For Godʼs kingdom isna eatin and drinkin, but holiness and peace, and rejoicin in Holie Spirit. For ane that is sae doin service to Christ, is weel‐pleasin to God, and acceptit oʼ men.

For baith, gin aiblins we leeve, we leeve to the Lord; and gin aiblins we dee, we dee to the Lord; sae than, gif we leeve, or gif we dee, we are the Lordʼs.

The things oʼ peace, than, are we pursuin; and the things that are for oor common up‐biggin.

Sae, nae mair lat us be judgin ane anither, but this discern ye raither — no to pit a stumblin‐clog afore yere brither; or a girn.

For it is putten‐doon: “As I leeve, says the Lord, ‘To me sal lout ilka knee, and to God sal ilka tongue confess!’ ” And sae ilka ane oʼ us sal for himsel gie an account to God.

And forby: ane that is weak iʼ the faith tak ye in, and no for the sake oʼ doots and disputes.

Wha are ye that are judgin a fremʼd aneʼs servant? he sall staun or faʼ till his ain maister; but he sal be made to staun; for God is strang to up‐haud him.