Versets bíblics populars de Abharuumi 5

Comparteix

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Amiitëngʼërö ghayo ghataaghotora ghotosooki, gho kubha Eryobha ndehomiri obhosiighi bhooche mo‑metema ghiito, kohetera Akörö yaacheAhörëëru.

Koru nangabha anyaako yoyoose yiire eghotubhöna, itu ntokwëndërëra ghuchömëru, gho kubha ntweche kubha anyaako nehaarëëta obhoghumereri. Obhoghumereri nibho bhoghoturëëtëra obhosubhesubhe, no obhosubhesubhe mboghughëri tubhe na amiitëngʼërö.

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito. Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

Ibheere, aribha tubhariiru kubha m‑bha hëënë, toonyi ambërë e Ryobha gho nchëra e masaahë gha Yesu Kirisito, hëënë ntoghotooribhu nawe koru mo‑nchagho e Ryobha.

Omooto umu akaanga koresooka Eryobha, aghaghëri abhaato bhoose bhabhe abhaköri amasari. Hangʼu hangʼu, omooto umu uno asookiri Eryobha, naghughëri abhaato bhabhe abhahëënë ambërë e Ryobha.

Mbe, ghokera ghayo ghoose, Eryobha ndetuköriri tuchömëru chwee, gho kubha n‑gho kohetera Omutëmi wiito Yesu Kirisito, tokoghwana ne Eryobha.