Versets bíblics populars de Abharuumi 14

Comparteix

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru. Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

Eriibhagha rino toonyi abhahöru, ntokumanya gho ghiri e Mutëmi Yesu. Wiiki eriibhagha rino tooghoku, ntooghoku gho ghiri e Mutëmi Yesu. Gho ghayo, aribha toonyi abhahöru hamu tokuure, itu n‑abhaato bhaache toonyi.

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Gho ghayo, totighe ghotenerana ekiina. Twishererani ghotigha ghuköra ghyokyose kino gheghughëri omokumi mughëndi wiito oghu kobhe hamu ghuköra amasari.

N‑kinya Amandëkö Amatööbhiyu ghakobhugha kubha, “Omutëmi Waryobha abhugha, ˆNekaraheri, omooto woose nakobhuna ebheru ambërë yaane, no omooto woose naghongongi kwo roreme rooche.” Gho ghayo, omooto woose ghate yiito, naghwitonda omwene ambërë e Ryobha.

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Iye toonyi no obhotoro bhobhoose bho ghotenera ekiina omutamishi o mutëmi owonde. Omutëmi waache niwe eche aribha omutamishi waache nataasiri hamu tiyaanyi. Wiiki omutamishi waache naghuköra bhoheene, gho kubha Omutëmi Yesu naanyi no obhotoro bho komotoori abhe araköra hangʼu.