Versets bíblics populars de Abharuumi 12

Comparteix

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

Otakindu na amabhe ghano oghukörëru na abhaato, amare nekwëndëru okinde amabhe gho kobhakörëra amachömu.

Mosiighane inyu abheene kwi inyu bheene kinya abhahiiri. Omooto woose iköngʼi komosooka omughëndi waache.

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Kwo ribhaara reenyu, mwiköngʼi ghuköra ghyokyose kino inyu moghotora, mubhe no omurëmbë na abhaato bhoose.

Abhasiighani bhaane, motarehani asiire, amare motighere Eryobha rikörë ghayo. Neghosiikëra hangʼu, gho kubha mo‑Mandëkö Amatööbhiyu Omutëmi Waryobha nakobhugha kubha, “Korehani asiire n‑emeremo gheene, eni niwe nekorehani asiire.”

Motabha abhatöbhu gho ghuköra emeremo ghe Ryobha, amare mukangatu na Akörö Ahörëëru ghuköra emeremo ghiyo kwo mukörö woose, gho komuhökëri Omutëmi Yesu.

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Hano abhaato bhakobhakörëra amabhe, motarehani amabhe kwo mabhe. Amare eriibhagha ryose hano mookubha mokeere ghuköra ghyokyose kwo bhande, mwihëëbhë singa na mukörë ghaare ghakorighibhu kubha m‑machömu kwo bhaato bhoose.

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Wiiki, Amandëkö Amatööbhiyu ngakobhugha ighoro e korehani asiire kubha, “Aribha omobhisa waacho anyi na anchëra, omuhë ebhiinyakurë. Wiiki aribha anyi na anyööta, omuhë ghe kunyo. Oraköra hangʼu, nookubha kinya omokomiire amakara gha mororo a‑mutu waache.”

Mobhasabhere abhaato bhano bhakobhanyaaki, kubha Eryobha rebhiitabheri. Motabha morabhasabhera kubha bhiihiimu. Muchömëru haghirohamu na bhano bhaghuchömëru, na morere haghirohamu na bhano bhakorera.

Mobhatoori abhakumi abhaghëndi bhaanyu mo‑mënda ghaabho, wiiki mubhe bhango kobhaghënëhi abhaghëni mo‑chaaka cheenyu.

Kinya bhuno mweche, omobhere n‑umu, amare noonyi ne ebhyemo bhyaru, na kira ekyemo nkeenyi no omoremo waache. Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.