Versets bíblics populars de JONAH 4

Comparteix

Cucaah BAWIPA sinah cun thla a cam i, “Maw BAWIPA, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

Cun BAWIPA nih a thawh i, “Hi umruang hi zan khat ah a hung kho i a thaizing ah a lo ṭhan; hi umruang kong ah hin na tuahmi thil zeihmanh a um lo, nangmah nih na khohtermi a si fawn lo. Sihmanhsehlaw na lung a fak. Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.