Versets bíblics populars de Romete 3

Comparteix

Mihing theampo maw siat zo a Pathian ii ngum tu in hong ompuina pan kikhuala siat uh hi. Ahihang amate a suaktasak Jesus Christ tungtawnin, Pathian ii man piak ngawlin hong piak thuthiamna letsong taw amate thutang kisuaksak hi.

Pathian in mihingte sia Jesus Christ a upna uh tungtawnin thutang suaksak hi. Christ a umte theampo tungah Pathian in hi bangin vawt hi, banghang ziam cile kuama a kilamdang tuatuan a om bua uh hi.

Ama ii kipumpiak biakpiak natu in hong thina taw amate upna tungtawnin, mihingte mawna kimaisakna a pian natu in, Pathian in ama hong pia hi. Pathian in thutang ahi hunlam hong lak natu in, hi bangin a vawt hi. A bosa hun sungah ama a thin uai a, mihingte mawnate hong tha thong hi; ahihang tu in ama sia, thutang ahi hunlam a kilak natu in, mihingte mawna tungtaang ah na hong seam hi. Hi bangin Pathian in ama sia thutang ahi hunlam le Jesus Christ a um peuma thutang a suasakna thu hong lak hi.

Banghang ziam cile Pathian mai ah Thukham tanna hangin kuama thutang suak zo om ngawl a; Thukham nasepna in mihing khat mawnei ahi hunlam a kiheak natu ahi hi.

Laithiangtho in, “A thumaan thutang kuama om ngawl hi. A ciim kuama om ngawl a, Pathian a bia kuama om ngawl hi. Mihingte a vekpi in Pathian sang panin lampial zo a, amate lamkhial siat zo uh hi. A maan na a seam, kuama om ngawl a, khat bebeak zongh om ngawl hi.

Banghang ziam cile mihing khat sia Pathian mai ah upna tungtawn bek in thutang suak thei bek a, Thukham sawl bang a sepna pan hi ngawl hi ci in ih he hi.

Tuabang hi ngawl het hi. Mihing sim in leilot kale zong Pathian ahile a thumaan kul veve tu hi. Laithiangtho in hi bangin ci hi. “Na pau ciangin thumaan na hi hunlam kilak tu a, thu hong kisit ciangin a thu na zaw kul hi.”