Versets bíblics populars de 1 Corinth te 2

Comparteix

Ahitazong, laithiangtho in, “Kuama ii a mu ngeingawl a zaak ngeingawl, suak thei tu in a ngaisut ngeingawl thu sia, ama a itte atu in Pathian ii a vawtkhol sa ahi hi,” a ci bangma ahi hi.

Tua Thaa a nei ngawl peuma in, Pathian Thaa kung pan hong pai thute a saang thei bua hi. Tuabang mihing khat in tua thute tel tatak ngawl hi; ama atu in tuate luithawthong thu ahi hi, banghang ziam cile thaa bulphuna taw bekin a man neina kikhentel thei ahihang hi.

Ahihang Pathian in a Thaa taw tua thuku sia eite hong telsak hi. Tua Thaa in Pathian tupnate ii a kiseal a thuthukte dong ngawngawnin na theampo a kan hi.

Eite in hi leitung ii thaa ih saang bua hi; Pathian ii hong piaksa thu theampo ih heak thei natu in, Pathian hong puak Thaa a saangte ih hizaw hi.

thu kong hil ciangin mihing ciimna thiamna kammalte kong zangh bua hi, ahizong Pathian Thaa vaangletna hong lakna taw kong hil ahi hi. Tua ahikom note upna sia mihing ciimna tungah kinga ngawlin Pathian ii vaangletna tungah kinga zaw hi.