Versets bíblics populars de 1 Corinth te 13

Comparteix

Itna in thin uai a, dik hi; itna in ki eenna nei ngawl a, kisathei ngawl, kiphasak ngawl hi; itna in philphit ngawl, duhop ngawl, thintom ngawl hi; itna in ngual khialnate ciamtee ngawl hi.

Itna in thinkiam ngeingawl a; a upna, a lametna le a thinsauna bo ngeingawl hi.

Itna in ngitlona thu ah lungdam ngawl hi, thumaan thutak ah lungdam hi.

Tu laitakin a taanglai thu thum teng sia: upna, lametna le itna hi a; hi teng sung pan a lianbel sia in itna ahi hi.

Itna in a tawntungin kip hi. Kamsaannate om ahihang tawmvei atu bek ahi hi; kam tumdangte pau theina letsongte om ahihang bo tu hi; heakna letsong om ahihang bo tu hi.

Mihingte ii kampaute le vantunglalangte ii kampau ngawngawn ka pau thei hial hangin, itna ka nei buale ka paute sia zam nging daak nging bang bek ahi hi.

Pathian ii hu mop thuhil theina nei a; heakna theampo le thuku theampo telna nei a, mualte khiin zawk natu a kisamh upna teng ka nei hangin — itna ka nei buale kei sia bangma ka hi bua hi.

Ka neisa na theampo pia siatin, ka pumpi ngawngawn a kihallum tu dongin, ka piak hial hangin, itna ka nei buale, hite in kei atu bangma phatna hong pia bua hi.

Patang ka hi lai in ka pauna, ka phawna, ka khua ngaisutte in patang bang ahi hi; tu in pasal khat ka hi ciangin patang vai teng ka nusia hi.