Versets bíblics populars de 1 Corinth te 11

Comparteix

Tuasia bangma zan an a neak zawkciang ama in hai la in, “Hi hai in ka chi taw a kikipsak Pathian ii thuciamna thak ahi hi. Na dawn uh simin, kei nong phawna in na dawn vun,” ci hi. Hisia ii khiakna sia, hi anluum na neak uh sim le, hi hai panin na dawn uh simin ama hong pai kik dongin, Topa ii thina thu a thangsak na hi uh hi.

Banghang ziam cile Topa ii hilcianna ama ii tung pan ka saante sia note tungah kong pia sawn hi: a thu in Topa Jesus a kileeheak tu nitakin, ama in anluum la a, Pathian munah lungdam a ko zawkciang anluum balneen a, “Hisia in note atu in a kipia ka pumpi ahi hi. Kei nong phawna in hi bangin vawt vun,” ci hi.

Tua ahikom mihing sim in, ama le ama kisittel phot tu a, tua zawkciang anluum ne in, hai panin dawn tu hi. Banghang ziam cile anluum a neak ciang le hai panin a dawn ciangin, Topa ii pumpi ii a khiakna a tel buale, a neak a dawn hu in ama le ama tungah thukhenna a tungsak suak hi.

Hi thu taw kipee in khat po in, ama zatak ngawlna taw Topa ii anluum ne a, hai a dawn le, tua mi in Topa ii pumpi tung le a chi tungah a maw ahi hi.

Christ ii zia le tong ka zui bangin, kei ii zia le tong hong zui tavun.