Versets bíblics populars de MAKUX 13

Comparteix

Pui khawmuik tak koeng ka pex mawh kheu ceu kaux Aux, viang mawh nan kaw pa kaux cong tom sidah, tak sang hoek krax taoh heue.”

Mawh kheu ang pex tawng bawg yam an, rien rhawm tix, pau ti jhak mai rawg bwan heue.

Yam tok kix ti tawx pex hu dee prawng ca, paw khi rhawm ka grawng lox pa sang ah sang krai pex phao ka, viang mawh nan, lox pa sang tawx ka pex daux bawg yam nari an, pex krai pex ah lox an, mawh kheu ang mawh pex pa krai pa ah, mawh Khuan Singax Singeh heue.

Raoma mai haktiex tak sang grai, viang mawh nan gumlox Aux in tak ang grai heue.

“Ang tawng singaix bawg yam nari an tix kaux kawx, viang mawh kawncau Siyiex ka daux meung raoma khankix kawx ang tawng, Kawn Cao kawx ang tawng, mawh ngie Keeing Cao pa tawng heue.

Yam tak sang mhong pex grawh grawng naing mai grawh grawng sang yuh naing, paw vi khi rhawm kah heue, ceu in tak sang mawh, viang mawh nan ang nyang bax mawh bawg yam sidah heue.

Pau ti jhak heue, kheu ang pex tawng bawg yam sang hoek simiang cao nyiex, tak mawh yam ponbo lie, phan ang mawh nan, yam greung sawm lie, phan ang mawh nan, yam ux ia lie, phan ang mawh nan, yam ponngawb lie, pex ang lai tawng heue. Phan ang mawh nan, ha Nawh kox hoek yam ang pex ce mai yaox laig it pex heue. Pa krai Aux ka pex, Aux krai ka khawmuik, pau ti jhak heue.”

Mawh kheu pui tix ceu mai tix ceu, tix meung mai tix meung tak cha paox tix mai kla reem tak sang tok dee haoh dee mai praix tak sang sibhawm. Ceu in khawmuik mawh pa jah krax kha rhawm tix heue.

Tak sang sidiex gau lox bwan gaux rhawm ka ceu pui khawmuik phao ka.

Pui tom nie tak sang briex ti teei ceu kaux Aux mai hoek ah nin, Aux mawh Nawh heue. Tak pon pie lhen kieh pui lud tom nie heue.

Rien rhawm tix kah, kheu kix tak tawx pex ka cub kuad song cao prawng ca khankix mai tak sang sivied pex ka daux nyiex dee sidiex khankix mai pex tak sang cung sivoe cao giex kaing haktiex mai simiang khankix, son Aux, sonsang mawh mhai rug ka kix heue.

Mawh kheu Khrit pa ang mawh ang meh mai cao jhai pa ang mawh ang meh khankix tak sang lih hoek mai tak sang jhi mhai ceu pa daox deng, sonsang pon pie lhen kieh lud, phan chix ka pui pa hoik laug Siyiex kawx heue.

“Khaix pa kha rhawm daux bawg yam ngaix an khankix, singaix tak faik mai khix tak ang tawx pa riang tix, mai simuing khankix tak sang rau khaing raoma mai sibrawm pa koe ka daux raoma khankix tak sang yung yiang heue.