Versets bíblics populars de MATHIEX 18

Comparteix

Mawh kheu ka dee khrawm pui ra loe kaux, ka daux ceu kaux Aux, Aux tak ot sinax kix heue.”

Aux deeh krai ka pex, phan kiex ra kaux ih rhawm paox tix piang haktiex in, ka grawng pa rawg kiex tix ceu ceu, Keeing Aux pa ot daux meung raoma tak yuh son kiex heue.

Nawh Cao kok kawn nyawm iak tix kaux deuh sinax kix, ah nin, “Aux krai lox tete ka pex, tom ang pex deeh tieh loh ti mawh awm kawn nyawm iak khankix, pex ang tau ti pon laig ka dau meung raoma heue.

Pui mawx ang ah, pa kieh rhawm tix awn awm kawn nyawm iak in, mawh pa nie lheu ting khaing paox tix ka daux meung raoma heue.

Pui mawx ang ah, pa rieb ti teei kawn nyawm iak pa awm in ka daux ceu kaux Aux, rieb ti teei Aux heue.”

Aux krai lox tete ka pex, ceu pa tiebtie pex patix ang ah piang haktiex in, tak sang tiebtie ka daux meung raoma mai ceu pa kah pex patix ang ah piang haktiex in, tak sang kah daux meung raoma heue.

Phan pex ku kaux ang pluat phimap puxaik tix, khaing daux rhawm pex awm an Keeing Aux piang raoma kawx tak sang yuh nan ka pex heue.”

Viang mawh nan pui mawx ang ah, pa kieh kawn nyawm iak khankix pa yum rhawm ka Aux tix kaux kaux sideeing caong tix, ka kaw an, phan preue simaox mhaw pa ting ka ngawg nawh mai teei nawh cub daux rawm sigrit sigra dee raux, mawh pa nie mhawm heue.

Pex keud yuh ka mawx? Phan pui tix kaux kaux koe yung tix yieh mai yung tix mu hoik lud krax mai grai, nawh prah pa kawn koe tixdim dim mu piang gawng mai hu sawg yung pa hoik lud krax pa grai an ang mawh lie?