Versets bíblics populars de Matyo 28

Comparteix

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə, dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Tsəndəghə ə Kəzə̀ wey n dza ndòw tə̀ gheyzən ghey nə̀, “Kə̂ ghaa nə̂ tsəŋənə, n khənu nə̀ ghaa kəŋə Yeso wən ghə â baanə n zat kə fəkaʼ. Tə way fa, tə n zhəm dzəŋŋə nə ivə tə̀ tə â dzanə. Bə koʼo na luʼu key ghə â nyəŋi naŋanə vən i wi zə tii.

Yeso n dza ndòw tə̀ ghə nə̀, “Kə̂ ghaa nə̂ tsəŋənə, ndòw dza ndòw na tə̀ waazə ghuŋ ghə nə̀ ghə nuu ndòw n Galili, ghə i koʼ mə fu.”

Ambə ghə zow tsunə ghəə a tii ghə, ghə fɔɔngili a nii ghey n kwu tsu kədzəŋi ghi ngəd tə inaʼ tə kad tsu tsəm ə ghə. Ghə n zuulə tsu sawgoʼ tey n khəə u nii wə, dza tə̀ ghə nə̀, “Ghaa khə ni dza tə ghə̂ ghə nə̀ ngəd tə Yeso tə â bə tsɔŋ nuu kɔʼ vən i wi n tsuʼu tə nə̀ ghaa bweelinu. Abə ghəə a tii a ndòw nyinə n tuŋŋə kə Pilato, ghey i ghɔɔmə tsu ghi wi, ghey dza ndòw tə wi nə̀ wɔɔ a ghaa a zownu, sey ghaa i ka nyi dzə nə uchɔd.” Sawgoʼ tə keyyə tey n ney ndòw khəə u tii wə, bɔɔmə ghəŋə ndòw kə tə ghə mə dzanə tə̀ ghə. A wey loʼ zəzəə fey fə â bweynə n fəŋŋə kə ghə̂ a Təjuu ni bə kuum na.