Versets bíblics populars de Lug 8

Comparteix

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Titam te ne ya fendi inga ìjə̀ŋì ya chwìye bəd ne zughi Ìngam Ŋwiye bḛ. Si ya gha, icheg ne nyùmə̀ we chè, anug ni nwìʼì nyɔd imbə̀ʼ ighi igun isəg tì anug ni nwìʼì nyɔd imbə̀ʼ ikab fɔrɔ anug ne ghì ighi mbe ne nyàmnyɔd ze ghə̀ʼrə̀ ya kɔ̀rɔ awɔb bə̀ ghìyə̀ chəyi mbɔb mbe kwèghe kà ane anug Ŋwiye.

Titam te ne ya fendi igun igho ya chwìye bəd mbe ne mə̀ zug Ìngam Ŋwiye, mbi niŋ ati ati ane igyendi. Si ya gha, chəyi Ìngam Ŋwiye taŋ nyi inɔb inga fìŋ. Mbɔb ya bèrè ibḛfiŋ məyi ane nyùmə̀ kwa kwa. Àkwàʼrì mə̀ yeʼe, mbi waʼ ìwɔb ibḛfiŋ.

Yeso ya si bìri abə mə̀mə̀nənùg məd gha, “Ìwən ibḛfiŋ kə aya?” Ane, mbɔb ya binde, bə̀ se yète bə̀ se ghàmà mbɔb mbɔb gha, “Àkə iku wə̀d weg gho̰ ne ghàmà, afim fɔrɔ àwàwà zùghə məd?”

Titam te ne ya fendi igun inɔnjì ya chwìye bəd mbe ne zùghə Ìngam Ŋwiye chəyi mbe bḛ. Aton ya gha, wə̀d ìpàb ya chìyè Ìngam Ŋwiye we inɔb inga fìŋ ni ghì gha imbə̀ʼ mbi bḛ, ghum nɔ̀ʼ pum.

Mbə̀ kyeri gha chəyi aghi mɔ̀ʼɔ ne yaʼ inə̀mbi ne chəyi mbi biri ghì ze dù asaŋ. Chəyi ìsə mɔ̀ʼɔ ne biri ghum chughi witì mbi ghì wi gwè asaŋ.

Àyi we ya kyeri gha mbe kyèri gha à ya zìye, wì si bìnde, dù ìwi ìfe asaŋ, gɔ̀m itog inwḭ aseg imbìghè abə Yeso. Wì ya mə̀tì aton ne wì bèti Yeso imbìghè abə bəd məjìm, bə̀ mə̀tì icheg ne aghɔn ze meghi kwàʼ ati ati. Yeso ya si ghà ibo gha, “Abo, ìwe ibḛfiŋ fə ghì àze aghɔn mèg, si ghò ane àbɔrɔ̀bɔd.”

Mə̀mə̀nənùg ya ghò nɔ̀ aməd ghà ibo gha, “Masà, Masà, tì ya anìŋ ichug iwu!” Yeso ya nɔ̀ʼ angwḛ kyen abə afim ze fɔrɔ abə àwàwà ze. Afim ya sɔbɔ, àwàwà bə̀ zù. Isiŋi si nyiʼì bɔd gwèd.