Versets bíblics populars de Jɔn 21

Comparteix

Anyumə̀ ne mbi ya fə jəghi mànì, Yeso ya biri abə Pità gha, “Sayimùn, ŋwan Jɔn, àghò kɔ̀ŋ amə chè icheg ne bəd mbo̰ kɔŋi amə?” Pità ya ywìtì gha, “E! Anɔŋisəg, àghò kyeri gha mə kɔ̀ŋ awe.” Yeso ya ywìtì ibo gha, “Àghò jə ìmbum bɔn njə̀g” Yeso ya ywìrì bìri ibo gha, “Sayimùn, ŋwan Jɔn, àghò taŋ kɔ̀ŋ amə?” Wì ya ywìtì gha, “E! Anɔŋisəg, àghò kyèri gha mə kɔ̀ŋ awe.” Yeso ya si ghà ibo gha, “Àghò kyeʼre ìtum njə̀g” Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Mə ghà tesiʼ ine gha, anyumə̀ ne àghò yaya kiri ŋwan ajɔŋ, à yaya zìyè ìte ndwi ghò a asiŋi ne àghò kɔ̀ŋi. Àsi anyumə̀ ne àghò nṵ, àghò biri se sèmbè ibo chwìye, bəd ndəŋ zìyè ndwi igun ine, nìŋə awe ghò a asiŋi ne chəyi àghò kɔ̀ŋi ni ghò.”

Wì ya ghà inɔb gha, “Mbə̀ maʼa ìzən kyə̀ aba abo jəghi, mbə̰ biri gwì su.” Mbi ya màʼ kyə̀ icheg ne Yeso ya gha, gwì su nɔʼ nɔʼ. Su te ya nɔʼ se nìrè chè awɔb ni sìmì zì inga kànuʼ.

Sayimùn Pità ya nɔ̀ʼ ghà abə mə̀mbin gha, “Mə ghò gweʼi mə”. Mə̀mbin ya ywìtì ibo gha, “Tì biri yeʼe abɔ̀ʼ ine”. Mbi ya nɔ̀ʼ nyi inga kànuʼ, ghò inga igyi. Si ya gha, mbi ya neghi neghi, chəyi mbi gwi aghi mɔ̀ʼɔ.