Versets bíblics populars de Ìfàʼì 5

Comparteix

Wì ya biri ane, si ya gha, Pità tì bədtɔm mbin ya ywìtì gha, “Tè bèrì ni zugri yaʼ Ŋwiye, kayi ni zugri bəd.

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Icheg ne wì ya nàʼi ane, Pità ya biri ibo gha, “Ànàniyàs, aton àghò sàŋi gha Sàtàn nyi ine inga fìŋ tàmbi awe anìŋ àkə gha? Àghò mə̀tì anug ako abə Azwighi Ŋwiye icheg ne àghò fḛ asiŋi ìseg sɔ̀bri ikab nɔ̀ŋì anjìm. Imbə̀ʼ asiŋi ìseg ze ya kə̀ àze bɔŋ àghò we se fḛ̀? Anyumə̀ ne àghò kə̀ fə fḛ asiŋi ìseg ze, imbə̀ʼ ikab we ijìm ya kə̀ bə̀ yi ìwe? Aton ne àghò kɔ̀ndi iku anug gho̰ anìŋ àkə gha? Àghò ghà anug ako abə Ŋwiye kayi abə bəd.” Anyumə̀ ne Ànàniyàs ya zughi ane, wì gùg aseg, ku zù. Wə̀d ijìm ne ya zughi anug ne du ya taŋ bɔ.

Ane, anug ne mə̀ kəbi ni kə awən ane isaʼi gho̰ ya gha, mbə̀ chiye ìmbən ibo ane anug azo̰ ne mbaŋà ìto̰ te fàʼà, sàŋì awɔb. Àmə yaʼ ne anug ze ne mbɔb mbe kə̀bə̀ ni ghì kə̀ àfàʼì ze ne mbɔb mbe kə̀bə̀ ni fàʼ ze nɔʼi abə wə̀d-aku, nji ze biri nwḭ̀yḛ̀. Àmə yaʼ ne anug azo̰ nɔʼi abə Ŋwiye, nji chəyi mbə̀ biri bèrì ika ni təmni awɔb. Mbə̰ biri bàd gha mbə̰ ya anìŋ zɔ̀ŋɔ̀ yaʼ Ŋwiye.”