Versets bíblics populars de Jị'cavacdye' 22

Comparteix

Yụ nash Tashchety judyeyaꞌ Jäquity, tashcheꞌ jiquej tạꞌcaty yụ, judyeyaꞌ jadyiquis raꞌ tupudyeꞌ yejĉoij raꞌ yụ —yi muꞌ.

Yi muꞌ Jesús: —Seꞌvaĉamꞌ aty c̣hẹiꞌyaꞌ ayidyeꞌ yụ, yụ raꞌ soꞌmacsi muntyiꞌ in junꞌ chuc bäꞌyi jaccheꞌ jiquej in, areꞌ bijodyeꞌ soꞌmac in, areꞌ vaꞌtacdyeꞌ.

Jenꞌsiꞌ Ạꞌedyeꞌ muꞌ vaj cäts Jesústyiꞌtum muntyiꞌ muꞌ, muꞌin nash Ovecas buꞌyi p̂en in, mọꞌ vämis raꞌ muꞌcheꞌ, muꞌin yi jéte in: —¡Atsiva! Tyi chuc seꞌvacsebi p̂eyacdyeꞌ mọꞌin, paj muꞌin yi chimeꞌ in: —¡Atsiva! Tyi chuc jajri jụijyaꞌ in, tyi chuc mạꞌjeꞌ ñịbeꞌjeyac jụijyaꞌ in, paj atsij fibiꞌyaꞌ raꞌ tyeij in mọꞌ ojñiꞌ tsạꞌchucsis.

Där raꞌ maꞌjoij in tyi chuc puptactyiꞌ coftyity in, muꞌin ramꞌ soꞌmac in paj qui jebeiꞌ in mọꞌsiꞌ väsh tsạꞌchucsis cätidyeꞌ, judyeyaꞌ raꞌ chimeꞌ soꞌmac in paj qui siteꞌ in mọꞌ bäꞌyedyeꞌ.

Yi Jesús: —¡Seꞌvaĉamꞌ, atoꞌ o c̣hẹiꞌyaꞌ ayidyeꞌ yụ! ¡Där raꞌ maꞌjoij in tyi chuc chiqueꞌtyiꞌ in ọij p̂eyacdyeꞌ yụꞌtyes yụ, mọꞌ sánacsiꞌ ọ́cheꞌ! —yi Jesús.

Aty raꞌ jam quivij cạvebanꞌ tsedyedyeꞌ in, mijam raꞌ jemonac mạijyis mọꞌcheꞌ mijam raꞌ mạijquedyeꞌ tsunsimꞌ, muꞌ Jenꞌ Ayoꞌ tsun muꞌ ramꞌ mạij buꞌyi muꞌindyes in. Chat qui raꞌ muꞌin yụꞌtac in ayoꞌbuꞌyi in mijam raꞌ jụꞌñisĉan mạyedyeꞌ mọtsiꞌ ayoꞌbuꞌyedyeꞌ muꞌin.

Jesucristo muꞌ jịꞌchiqueyacsity ọij p̂eyacdyeꞌ q̂uinꞌ yi muꞌ: —Anicdye meꞌ aty c̣hẹiꞌyaꞌ ayidyeꞌ yụ. Yụ sáñeꞌtyiꞌ ọij yi: Paj meꞌ. Atsivamꞌ Jesús Ayoꞌ tsun. Yụ cọdyete muꞌ Jenꞌ paj qui muꞌ Jesucristo Ayoꞌ tsun ñịbeꞌjitidyes soꞌminac räj miꞌin.

Yụ fercheꞌ jéyacsi muꞌin seꞌvety in ọij p̂eyacdyeꞌ yụꞌtyes Jenꞌ, sánacsiꞌ ọ́cheꞌ: tyi chuc ĉụiꞌ mọmoꞌ cächjecajcaiꞌtyiꞌ yocsiꞌ p̂eyacdyeꞌ jụijyaꞌ, jam yódyesdyemꞌ sánacsiꞌ q̂uinꞌ o, chimeꞌjeyacsidye raꞌ muꞌ Jenꞌ cächjeyeyacsi ọij vaꞌtacdyeꞌ jiꞌjäques q̂uinꞌ ọij sánacdyeꞌ. Chimeꞌ tyi chuc jäctyetyeꞌ jụijyaꞌ pạrej jiꞌchäyitidyeꞌ ọ́ches p̂eyacdyeꞌ yụꞌtyes Jenꞌ, muꞌin meꞌjeꞌtyiꞌ in, Jenꞌ raꞌ chutyetacsi mọꞌsiꞌ väsh tsạꞌchucsis cätidyeꞌ, mijam raꞌ jiꞌsitacsi chimeꞌ Jenꞌsiꞌĉan bäꞌyedyeꞌ muꞌ, mọꞌ jiꞌjäqueꞌsiꞌ ọij q̂uinꞌ sánacdyeꞌ.