Versets bíblics populars de Números 14

Comparteix

Mọꞌdyes jam raꞌ junꞌ farajjeptinte Ayoꞌsiꞌ p̂eyacdyeꞌ muꞌ, mijam raꞌ quijnacsi miꞌin muꞌĉan bäꞌyity in. Jam raꞌ carij jiꞌpenacsejaꞌ tsun ĉaĉaij na muꞌ Ayoꞌ räjĉan ñutschusinꞌ tsun, muꞌin na jam tyi ñutschucsi, mọꞌdyes jam raꞌ noiꞌyi miꞌin —jéyacsi in muꞌ Josué judyeyaꞌ Caleb.

"Jam nash cavintum fạ́cacsi muntyiꞌ yụ, anic där ñịbeꞌ ĉọcsi yụ judyeyaꞌ yụ vayacjetacsi juchaj muꞌin, meꞌ tsanꞌ jam chäquibuntyiꞌ p̂eyacdyeꞌ yụ in. Uts raꞌ soꞌmacsi vaꞌtacdyeꞌ yụ muꞌin juchatuntyiꞌ yụ in, chimeꞌdye raꞌ ạvaꞌ muꞌin paj tsanꞌ vịyaꞌ muꞌin, paj tsanꞌ vóshiꞌ chimeꞌ muꞌin, muꞌin raꞌ soꞌmac vaꞌtacdyedyes jenꞌsidyes juchaj muꞌin", yi jiquej mi Jenꞌ.

Ayoꞌ maꞌjotyisinꞌ jụijyaꞌ tsun, tupuj jiꞌpenacsejaꞌ in, muꞌ qui raꞌ soꞌmisinꞌ mọꞌ jac. Mọꞌ anic jämꞌsiꞌ sicdyedyes, jam jayej säcsedyeꞌ mọꞌĉan.

Yirity mọmoꞌ muꞌ Caleb, úñity yụ, mumꞌ yirity yocve dyijyity muꞌ räj chäquibun p̂eyacdyeꞌ yụ. Mọꞌdyes yụ raꞌ yi paj qui mumꞌ muꞌĉan bäꞌyi, yódyesdyemꞌ cạvicse jiquej u, muꞌĉan mojijĉan raꞌ bäꞌyi muꞌ judyeyaꞌ raꞌ vóshiꞌ muꞌ chimeꞌ, yóĉandyemꞌ bäꞌyi q̂uinꞌ u muꞌin amalecita u in judyeyaꞌ muꞌin cananeo in. Miꞌin qui na ramꞌ nojno caꞌñibun muꞌĉandye, cäjyaꞌ raꞌ jịjcaban miꞌin, chụiꞌ raꞌ jịjcaban miꞌin Mar Jäijnäsve —jajiti muꞌ Jenꞌ Moisés.

Jéyacseva mi: "Yi muꞌ Ayoꞌ jínac miꞌin: Ĉụiꞌsiꞌcheꞌ raꞌ tịj yụ jéyac miꞌin, yụ raꞌ jịꞌcätsebiyac ĉụiꞌsiꞌ p̂eyacdyeꞌ miꞌin yoj yidyemꞌ miꞌin jiquej u: Ijac raꞌ tsun Canaánĉan, yi miꞌin.

Ayoꞌ jajiti muꞌ Moisés: —¿Junꞌsiꞌ buty raꞌ farajjeꞌ in äcäijnacdyeꞌ yụ́cheꞌ in? ¿Junꞌsiꞌ buty raꞌ chimeꞌ anicjin yụ in? Meꞌ tsanꞌ daiꞌ quiꞌ jịꞌcaveyacsi ferdyeꞌ yụ, uts na jam anicjin yụ in.

Räj muꞌin ñiñete in muꞌ Moisés judyeyaꞌ muꞌ Aarón, yi jéyacsi in: "Faraj vuꞌ caꞌ muꞌĉandye säñi jiquej tsun Egiptoĉan, faraj vuꞌ caꞌ úĉan chimeꞌ tsun cäjyasĉan jac.

Päräꞌ muꞌin cạvequety jac in, Josué judyeyaꞌ muꞌ Caleb seꞌvacsebi in muntyis p̂eyacdyeꞌ muꞌin, cavin shẹiꞌjeyaqui quịꞌsiꞌ in muꞌin táredyedyety muꞌin. Yi jéyacsi muꞌintyiꞌ in: —Mọꞌ jac cạvequeꞌsiꞌ tsun anic där jämꞌsiꞌ.

Meꞌ tsanꞌ meꞌ, ĉụiꞌsiꞌcheꞌ qui namꞌ tịj yụ yụꞌtyeyacsi yụ ọij p̂eyacdyeꞌ yụ. Yụ nash tsạꞌ buꞌyityiꞌ, räj buꞌyiꞌ ọij jac ferdyeꞌ yụ, yụ́dye mọmoꞌ yi mijam raꞌ yirity cạvequety Canaánĉan in, mijam raꞌ muꞌĉan jịjcaij in, ĉaĉaij na jam chäquibun p̂eyacdyeꞌ yụ in. Tiyacchuti Egiptoĉan jiquej in judyeyaꞌ cäjyasĉan chimeꞌ in, muꞌin aty cavibun ferdyeꞌ yụ in, judyeyaꞌ mạijquedyeꞌ jịꞌcaveyacsi yụ chimeꞌ. Muꞌin cäjyasĉan jac daiꞌ quiꞌ jiꞌĉujtyin yụ in juchaj soꞌmin yụ in, mijam méquiꞌ chäquibun p̂eyacdyeꞌ yụ in. Mọꞌdyes qui raꞌ q̂uinꞌ jam yirity tänꞌyequi muꞌĉan Canaánĉan in, mọꞌ jac soꞌmacsis yụ vóshiꞌ muꞌin jiquej, ĉaĉaij na ĉụiꞌ äcäijjin yụ in.