Versets bíblics populars de Mateos 16

Comparteix

Chat qui muꞌ Jesús jéyacsi jịꞌchiyactyiꞌ muꞌ: —Tyi chuc mạꞌjeꞌ cäc̣häꞌchun yụ in, paj ĉụiꞌsiꞌ dyijyedyeꞌ yacchuqui in, paj vemete crosh in, chat qui raꞌ q̂uinꞌdyemꞌ cäc̣häꞌchun yụ in.

Yụ jéye, mi nash Pedro, "mij" yiꞌ nash tịj mi, yụ raꞌ därtyiꞌcheꞌ mij yụꞌtacsi anicjintyiꞌ yụ in mijam qui raꞌ sänꞌdyeꞌ tupuj jiꞌpenacsiꞌ.

Yụ raꞌ yuꞌtim paj qui mi meꞌchuiꞌ mọꞌ c̣hácaquis vanacjetyetacsis ayoꞌbuꞌyedyeꞌ Jenꞌsiꞌ muꞌ. Jedyeꞌ chuc ñucjeꞌ jacches jụijyaꞌ mi, mọꞌ aty ñucjeꞌ Jenꞌ mạyedyeꞌcheꞌ, jedyeꞌ chuc dajjeꞌ jacches jụijyaꞌ mi, mọꞌ aty dajjeꞌ Jenꞌ mạyedyeꞌchety.

Tyi chuc otejjitity ĉụiꞌ jam mạꞌjeꞌ yụ́dyes bäꞌyi, muꞌ raꞌ fibiꞌ mọmoꞌ shupquiꞌ junꞌ chuc bäꞌyi muꞌ. Tyi chuc yụ́dyes bäꞌyi, paj tsanꞌ säñi, muꞌ raꞌ jam fibiꞌ bäꞌyi, muꞌsiꞌ raꞌ mọꞌyaꞌ bijodyedyes muꞌ.

Muꞌyaꞌ muntyiꞌ räj tsanꞌ meꞌchuiꞌ jacches jedyeꞌ in, meꞌ tsanꞌ meꞌ jam qui namꞌ yụ́dyes bäꞌyi jụijyaꞌ muꞌ, fibidyety muꞌ shupqui. Jam yiris jedyeꞌ tupuj yụꞌtyeꞌ muꞌ paj qui tsạꞌ buꞌyi Jenꞌyaꞌ muꞌ.

Chat qui muꞌ Jesús jéyacsi: —Miꞌin na ¿tyi yụ ĉútiĉaꞌ u miꞌin? Vorjete muꞌ Pedro: —Mi nash Jiꞌc̣honacsity Muntyiꞌ, Jenꞌtyiꞌ Ạvaꞌ mi, muꞌ tsạꞌ buꞌyity.

Jajiti Jesús: —Där maꞌjoij mi Simón, Jonástyiꞌ ạvamꞌ. Jam yirity muntyiꞌ jiꞌchäquiyin mi, meꞌdye Jenꞌ mọmoꞌ yụ́tyiꞌ mạyedyeꞌchety, mumꞌ yirity ọij jiꞌchäquiyin mi.