Versets bíblics populars de Hebreodyes 6

Comparteix

Bisacdyeꞌ tsun anic fer buꞌyiꞌ yuꞌbusinꞌ ĉojtyiꞌ tsun, mọꞌ jeñej buꞌyiꞌ minacdyeꞌ därsiꞌ tapchutes covamba, meꞌ buꞌjaꞌ shupquejaꞌ tsun bisaĉaty Jenꞌcheꞌ tsun. Muꞌdyemꞌ Jesús tapchusinꞌ tsun, muvej buꞌyi muꞌ fajve juñumchuquityve, muꞌĉantyiꞌ Jenꞌsiꞌĉantyiꞌ acaꞌ mạyedyeꞌches.

Jenꞌ rụij dyijyity, muꞌ raꞌ jam yaquintubunac carijtacdyeꞌ miꞌin muꞌdyes, mijam raꞌ yaquin muꞌ junꞌ chuc mạꞌjetinte miꞌin. Meꞌ miꞌin jịꞌcaveyetinte mạꞌjitidyes miꞌin junꞌsiꞌ chuc miꞌin nọ́tacsi muꞌin anicjetety in, meꞌdye q̂uinꞌ tacaꞌ yejĉoij nọ́tyetacsi miꞌin.

Mọꞌdyes qui muꞌ Jenꞌ soꞌmisinꞌ päräꞌ räjĉan buꞌyis jedyeꞌ, ĉụiꞌsiꞌ p̂eyacdyeꞌ muꞌ judyeyaꞌ ĉụiꞌsiꞌ tịj muꞌ. Ọij päräꞌ jedyeꞌ Jenꞌsiꞌ muꞌ jiꞌĉuyisinꞌ junꞌ chuc aty jam junꞌ yoc yụꞌtac dyijyedyeꞌ muꞌ, ĉaĉaij na muꞌ jam chịj väñäij, räjĉan rụij p̂eyaqui judyeyaꞌ jịꞌcätsaqui. P̂eyacdyeꞌyaꞌ muꞌ soꞌmisinꞌ sóñiꞌyedyes tsun yódyetycheꞌdyemꞌ ĉútiĉaꞌcheꞌ u, paj qui muꞌ ñutsjityisinꞌ, mijam farajjejaꞌ bisacdyeꞌ Jenꞌdyes.

Mọꞌdyes yejĉojaꞌ raꞌ p̂anjaꞌ Jenꞌdyes tsun. Aty jam raꞌ camanꞌjebajshaꞌ tsun mọꞌ tashches jiꞌchäyitidyeꞌ Cristos muꞌ, yocsiꞌ qui mọjoꞌchas jiꞌchäyitidyeꞌ meꞌchujaꞌ q̂uinꞌ tsun, meꞌ buꞌjaꞌ p̂anjaꞌ Jenꞌdyes. Mọꞌdyes aty raꞌ jam camanꞌjebajshaꞌ mọꞌ yacchutis jiꞌchäyitidyeꞌ in: mọꞌ yiꞌsiꞌ junꞌ chuc farajjeyaĉaꞌ aꞌc̣his dyijyedyeꞌvun tsun, mọꞌ soꞌmisinꞌsiꞌ sänꞌdyeꞌ tsun, judyeyaꞌ mọꞌ anicyedyeꞌ Jenꞌcheꞌ tsun.