Versets bíblics populars de Hebreodyes 4

Comparteix

Jenꞌsiꞌ p̂eyacdyeꞌ muꞌ anic ferdyeꞌtum muꞌ, mọꞌ tsạꞌchucsiꞌ, chimeꞌ anic mọjoꞌchaꞌ toꞌcacsis, jam jeñej mọꞌ coc̣hino pärenꞌve toꞌcacsis. Mọꞌ tupuj chaꞌshibusinꞌ ĉojtyiꞌ tsun, mọꞌ seiꞌbusinꞌ ạꞌedyeꞌ tsun judyeyaꞌ aꞌsiꞌ dyijyedyeꞌ tsun, meꞌ buꞌyiꞌ mọꞌ jorojĉanjibusinꞌ räj ĉojtyiꞌĉansiꞌ dyijyedyeꞌ tsun.

Mọꞌdyes jam raꞌ quijnacdyeꞌtum c̣hẹiꞌyaꞌjeja Jenꞌ mạyedyeꞌchety cọdacdyeꞌĉan tsun, yócheꞌdyemꞌ ñịbeꞌjitidyesyaꞌ ayoꞌbuꞌyi u, tupuj cọdyeja jedyeꞌ chuc jemonjaꞌ. Muꞌ ñịbeꞌ ĉúsinꞌ judyeyaꞌ ñịbeꞌjisinꞌ ñútyisinꞌ junꞌsiꞌ chuc ĉụiꞌ jemonjaꞌyaꞌ tsun.

Muꞌ chäyibusinꞌ dyijyedyeꞌ tsun, itŝiꞌ ferdyeꞌ tsun. Muꞌ chimeꞌ jịꞌĉojtac jiquej, junꞌ junꞌ chuc jịꞌĉojtac q̂uinꞌ tsun, meꞌ meꞌdye muꞌ jịꞌĉojtac chimeꞌ jiquej, muꞌsiꞌ qui namꞌ itŝiꞌ méquis juchaj muꞌ, mijam méquiꞌ peñi muꞌ.

Mijam méquiꞌ mọꞌyaꞌ jumĉan Jenꞌdyes, räj chuñem cạveꞌ jämꞌtacdyeꞌ muꞌ, tsunmun chimeꞌ cavisinꞌ, muꞌdye raꞌ cudyityisinꞌ p̂eyacdyeꞌ tsun, junꞌ chuc bäꞌjaꞌ jiquej úcheꞌ tsun.

Yejĉojaꞌ tsun mijam raꞌ méquiꞌ farajjejaꞌ mọꞌ p̂eyacdyeꞌ cäc̣häꞌchujaꞌsiꞌ tsun, ĉaĉaij na muꞌ Jesús, Jenꞌtyiꞌ Ạvaꞌ muꞌ, muꞌ mạyedyeꞌcheꞌ jịjcabantyiꞌ, muꞌ nash cudyitity Jenꞌcheꞌ tsundyes.

Mọꞌdyes q̂uinꞌ tsun jemoñeꞌ fercheꞌ dyijyejaꞌ paj qui tupuj sisjaꞌ muꞌĉan jịꞌjutyitidyesĉan mọꞌ soꞌmisinꞌsiꞌ muꞌ. Jam raꞌ cäc̣häꞌchucsebijaꞌ dyijyedyeꞌ muꞌin jam anicjetetysiꞌ Jenꞌ jiquej in, areꞌĉa jam sisjaꞌ pạrej, yojdyemꞌ muꞌin urucyaty jiquej u in.