Versets bíblics populars de Uñedye' 1

Comparteix

Jiꞌtŝunac raꞌ Jenꞌsiꞌ Ạꞌedyeꞌ muꞌ, mọꞌ raꞌ soꞌminac ferdyeꞌ, chat qui raꞌ q̂uinꞌdyemꞌ miꞌin jịꞌchiqueyacsi yoctyiꞌ muntyiꞌ in mọꞌ cavibutiĉas jiquej miꞌin, ijacdyeꞌ yụ judyeyaꞌ vañinyedyeꞌ yụ. Jéyacsi raꞌ miꞌin tashcheꞌ úĉantyiꞌ Jerusalénĉantyiꞌ in, judyeyaꞌ Judeaĉantyiꞌ in, judyeyaꞌ Samariaĉantyiꞌ in, judyeyaꞌ paiꞌ junaty ĉụiꞌ in räj jadyicvety jac chimeꞌ in, meꞌ meꞌ raꞌ jéyacsi miꞌin mọꞌ p̂eyacdyeꞌ p̂iyinsiꞌ yụ —jéyacsi Jesús.

Jesús vorjeyacsi: —Jam miꞌin soꞌmac Jenꞌyaꞌ ĉaĉaij na jam chị́yeptinte dyijyedyeꞌ muꞌ junꞌsiꞌdye raꞌ ĉụiꞌ jịꞌcätsaqui dyijyedyeꞌ muꞌ, mumꞌ yirity ĉụiꞌ chịj.

Yirisĉan mạyedyeꞌ muꞌ penꞌdyetucsi jutactyiꞌ muꞌ, jéyacsi paj qui taĉan chum Jerusalénĉan in. Yi jéyacsi: —Jambiꞌ chum raꞌ shupqui miꞌin úĉantyiꞌ Jerusalénĉantyiꞌ miꞌin, bisvac chum mọꞌ Jenꞌ raꞌ soꞌminacsiꞌ jiꞌcätsiyinac mọꞌ p̂eyacdyeꞌ yuꞌtyiyinacsiꞌ jiquej. Soꞌminac raꞌ Jenꞌsiꞌ Ạꞌedyeꞌ muꞌ, yoj jeyacdyemꞌ yụ jiquej u. Muꞌ Juan jiquej chojtyinac ojñiꞌĉan miꞌin, jäquiꞌve qui raꞌ junꞌsiꞌ ĉụiꞌ Jenꞌsiꞌ Ạꞌedyeꞌ muꞌ yuꞌtyiyinac Jenꞌ —jéyacsi Jesús jiquej.

Vañinyeban chat qui rụiꞌcuꞌĉan jiꞌcavibun muꞌinyaꞌ in, jorojĉan aty muꞌyaꞌ quivij tsạꞌ buꞌban. Vạjpedyeꞌ quiꞌtac mạyedyeꞌ bäꞌyetaqui úcheꞌ jaccheꞌ, daiꞌ quiꞌ jiꞌcaviti muꞌinyaꞌ in, jéyacsi Jenꞌsiꞌ p̂eyacdyeꞌ p̂eyeꞌ ayoꞌbuꞌyedyes Jenꞌsiꞌ muꞌ.

Jesús p̂eyactaqui chat qui mạyedyeꞌcheꞌ jácabun Jenꞌ muꞌ. Muꞌin na jutactyiꞌ muꞌ jịꞌĉojcayebajte muꞌin in, meꞌdye jemonjoban dyicbaꞌbadyeꞌĉan, aty jam junꞌ nạijbajte in.

Yejĉoij mọmoꞌ cạvevaꞌjoij cheꞌve in yócheꞌdyemꞌ jịjcabancheꞌ u, ĉụiꞌdye vátyequej jiꞌcaviti päräꞌ muntyiꞌ in, jaiꞌbatyĉantyiꞌ quịꞌsiꞌ in. Yi muꞌin in jéyacsi in: —Miꞌin Galileaĉantyiꞌ, ¿jedyeꞌ caꞌ cạvevaꞌtiñeꞌ mạyedyeꞌcheꞌ? Yojdyemꞌ mụiꞌdye Jesús jọban mạyedyeꞌcheꞌ jịjcaban u, meꞌdye raꞌ quivij atsijban muꞌ —yi muꞌin päräꞌ jiꞌcavitity muntyiꞌ in.