Versets bíblics populars de Jäqui'ves Timoteodyes 4

Comparteix

Jeñej yirity majmaijtyiꞌ muntyiꞌ anic jiꞌferety majmadyeꞌ, meꞌ yụ chimeꞌ Jenꞌdyes jiquej, jam farajjeꞌ yụ, chijämꞌ jịꞌcätseꞌ yụ mọꞌ yụꞌtacdyeꞌ soꞌminsiꞌ yụ muꞌ Jenꞌ.

paj qui jam farajjeꞌ mi voroꞌtacsi mi Jenꞌsiꞌ p̂eyacdyeꞌ muꞌ, meꞌ raꞌ tsanꞌ carij buꞌyi mídyes, meꞌ raꞌ tsanꞌ jam, yejĉoij qui na ramꞌ voroꞌtacsi mi. Jịꞌchiyacseva, chimeꞌ voroꞌtacseva, jụj jaꞌyacseva, fạraꞌjeĉunacseva cäjsisyaꞌ dyijyedyeꞌ muꞌin, jiꞌmaꞌyacseva chimeꞌ paj qui Jenꞌdyes bäꞌyi in, tyumꞌchuti ramꞌ voroꞌtacsiyaꞌ.

Ayijbanꞌ raꞌ tupudyeꞌ, muntyiꞌ raꞌ in aty raꞌ jam mạꞌjeꞌ seꞌvebanꞌ in mọꞌ rụijsis p̂eyacdyeꞌ, muꞌin qui ramꞌ quevacsi in yoc yoc jịꞌchiyacsity in, cäjsis jiꞌchäyitidyeꞌ tuiꞌtyiꞌ in, muꞌin jéyacsity in mọꞌ mạꞌjes seꞌveꞌ in, ĉaĉaij na raꞌ jam mạꞌjeꞌ rụijsis p̂eyacdyeꞌ seꞌveꞌ in. Murujrutyebanꞌ qui raꞌ in mọꞌ rụijsis p̂eyacdyeꞌ Jenꞌsiꞌ muꞌ, urucyas qui ramꞌ seꞌvebanꞌ in mọꞌ muntyis dyijyedyeꞌ jiquej in.

Jam raꞌ mi meꞌ, rụij raꞌ dyijyim. Meꞌ raꞌ tsanꞌ ñịbeꞌ cạviyaꞌ mi, dyichchuti qui na ramꞌ mi. Yejĉova voroꞌyeva mi, ĉaĉaij na mọꞌ carijtacdyeꞌ mi, jịꞌcätsevaꞌ mọꞌ yụꞌtacdyeꞌ soꞌminsiꞌ muꞌ Jenꞌ.

Mọꞌdyes aty jäꞌmiiꞌtyiꞌ yiris bijodyeꞌ yụ́dyes, mọꞌ rụij yụꞌtacdyeꞌ yụ. Muꞌ ayoꞌ, muꞌ rụij jịꞌcäts yụꞌtacsity muntyiꞌ, muꞌ raꞌ soꞌmin yụ bijodyeꞌ ayijyaꞌ mọꞌ jadyiquis tupudyeꞌ. Jam raꞌ yụmꞌ yirity soꞌmac bijodyeꞌ, muꞌ raꞌ soꞌmacsi räj muꞌin in tyi chuc fer mạꞌjetety in muꞌin bisvaꞌtety räjĉan in.