Yoshoropaij an muꞌ Jenꞌ tsun, aty Cristoty tsun. Jenꞌ jayuꞌti muꞌ Cristo paj qui jiꞌpenacsi räj sọyoꞌ in, tsunmun chimeꞌ yuꞌsinꞌ paj qui tsun chimeꞌ räj jiꞌpenacsebijaꞌ aꞌc̣his dyijyedyeꞌ muꞌin. P̂eyacdyeꞌ muꞌ cạyacsejas tsun där jämꞌsimꞌ, jeñej yiris jämꞌsiꞌ jẹrejres, paiꞌ jịjcaiꞌsiꞌ p̂oquedyemꞌ, meꞌ buꞌyiꞌ mọꞌ. Tsun voroꞌtacsejaꞌ tsun jeñej jämꞌsiꞌ jẹrejres yụꞌtyes muꞌ Cristo soꞌmetes Jenꞌ, meꞌ buꞌjaꞌ shupquejaꞌ tsun. Mọꞌ chaꞌshacsiꞌ räj muntyiꞌ in Jenꞌyadyety in judyeyaꞌ tsäquiꞌsisĉandyety in.