Versets bíblics populars de Tashches Timoteodyes 4

Comparteix

Meꞌ tsanꞌ meꞌ nanaty mi, yi raꞌ mi paj qui jam äcäijjin in muꞌin anicjetety Jenꞌ in. Mi qui namꞌ jemoñeꞌ rụij bäꞌyi muꞌinyaꞌ in paj qui tupuj cäc̣häꞌchutyin in. Rụij raꞌ p̂eyaqui mi, mạꞌjeyacseva bäꞌva, jam raꞌ farajjeꞌ anicyedyeꞌ mi, jämꞌtujcavaꞌ mọmoꞌ, meꞌ raꞌ bäꞌyi mi tupuj qui muꞌin cäc̣häꞌchutyin in.

Jiꞌfercaĉaꞌ aꞌ jụijyaꞌ tsun, mọꞌ raꞌ ñútyisinꞌ q̂uinꞌ tsun. Jiꞌfercaĉaꞌ ạꞌedyeꞌ jụijyaꞌ tsun, mọꞌ nash dadamꞌ mọjoꞌchaꞌ ñútyisinꞌ paj qui Jenꞌdyes bäꞌjaꞌ q̂uinꞌ, jadyicve qui na ramꞌ chimeꞌ Jenꞌyaꞌ raꞌ bäꞌjaꞌ tsun.

Jämꞌ raꞌ ĉujcati ĉụiꞌ mi, rụij raꞌ jịꞌchiyacsi mi. Meꞌ raꞌ jụijyaꞌ mi, c̣hoñi raꞌ mi räjtumdye muꞌintum in seꞌvibuntyiꞌtum jiꞌchäyitidyeꞌ mi.

Jenꞌsiꞌ Ạꞌedyeꞌ muꞌ jorojĉan jísinꞌ yiꞌ ayijyaꞌ jadyiquis tupudyeꞌ, pạrej raꞌ muꞌyaꞌ in farajjebibajte in Jenꞌsiꞌ p̂eyacdyeꞌ muꞌ, sọyos qui raꞌ jiꞌchäyitidyeꞌ seꞌvebibanꞌ in judyeyaꞌ väñädyeꞌ seꞌvebanꞌ in.

Jam qui na ramꞌ dyijtucsebiban mi urucyas p̂eyacdyeꞌ muntyis muꞌin, mọꞌ nash fibis jacches dyijyedyeꞌ mọmoꞌ p̂eyeꞌ in. Damꞌdye jämꞌ jiꞌfercata ĉụiꞌ paj qui Jenꞌdyes bäꞌyi mi.

Junꞌ quiꞌ chuc ventyecyeyaꞌ yụ, yejĉova p̂eyepme Jenꞌsiꞌ sánacdyeꞌ muꞌ muꞌinsiꞌyaꞌ vej muꞌin, meꞌ raꞌ jịꞌchiyacsim, mijam raꞌ chimeꞌ farajjeꞌ voroꞌyedyeꞌ mi.