Versets bíblics populars de Tashches Corintoĉantyidyes 2

Comparteix

Cạ̈tsiꞌ qui namꞌ sánacdyeꞌ yiꞌ: "Muꞌ Jenꞌ aty yuꞌtyiyisinꞌ tsun mạꞌjejaty tsun mọꞌ jämꞌsiꞌ dyijyedyeꞌ muꞌ, junꞌ chuc muꞌ mạꞌjeꞌ ñịbeꞌjisinꞌ. Där jämꞌsiꞌ shupquiꞌ mọꞌ, jam jämꞌdyeyaꞌ joꞌmes cạvejaꞌsiꞌ tsun mijam seꞌvejaꞌ chimeꞌ, mijam ọ́yaꞌ tupuj chaꞌshejaꞌ dyijtujaꞌ."

Tyi chuc jam meꞌchuptety in Jenꞌsiꞌ Ạꞌedyeꞌ muꞌ, muꞌin äcäijjebiꞌ in dyijyedyeꞌ mọꞌ, fibis ĉọbiꞌ in, ĉaĉaij na jam junꞌ chiqueꞌ in jätäjyiꞌ chuc mọꞌ, mọꞌ mọmoꞌ yiris jịꞌchiqueyacsis.

Meꞌ tsanꞌ meꞌ muꞌ Jenꞌ räj qui namꞌ jiꞌchäquiyisinꞌ Ạꞌedyeꞌyaꞌ muꞌ, ĉaĉaij na Ạꞌedyeꞌ muꞌ räj chị́yeꞌ joꞌmes, räj carijsis Jenꞌsiꞌ dyijyedyeꞌ muꞌ jachäyibuti mọꞌ.

Tsun anicjejaty Jenꞌ jam soꞌmac jacchetysiꞌ dyijyedyeꞌ muꞌin, Jenꞌ soꞌmisinꞌ Ạꞌedyeꞌ muꞌ, mọꞌdyes qui tsun räj chị́yepja muꞌsiꞌ ñịbeꞌyedyes soꞌmisinꞌsiꞌ Jenꞌ.

Jiꞌchäyitidyeꞌĉan yụ, yụ jam jiꞌmaꞌjotacdyes dạqueꞌ yụ, jam yụ joꞌmesyaꞌ seꞌ jaꞌyeyac. Jenꞌsiꞌ qui namꞌ Ạꞌedyeꞌ muꞌ, mọꞌ ñútyin yụ ferdyeꞌyaꞌ mọꞌ, mọꞌyaꞌ chat tupuj jụj jaꞌyeyac miꞌin p̂eyacdyeꞌyaꞌ yụ. Yụ mạꞌjeꞌ paj qui mọꞌ Jenꞌsiꞌ ferdyeꞌ muꞌ jụj jaꞌyinac miꞌin, paj qui jam mọꞌ p̂eyacdyeꞌ jiꞌmaꞌjotacdyes jụj jaꞌyinac miꞌin.