Versets bíblics populars de रूमी 4

Comparteix

भगवानराः जबान बदीरे हाँयराः बिसवास गुनमिन हों मेर हुडिंग बगरागान। मनदो हाँय भगवान जाग घड़ीन बिसवासरेय बड़ियाड़यान। हाँय सुनुदीबाःकातेरा, ईंग एचेरेय जबानकेरा हाँयग भगवान, हना जबान एचे पुरावगे लगा जंगरदार इदानिया, माःआन।

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।

भगवान इबराहीम एचेरेय कतातेरा, “आमरिकुःआ नइड़-बाँस होड़कू तोनोंगीग ओरोकू गँड़ाव अवेतेडकुःआ, हनामिनकू बगरा जुवाःता।” हनमेला हाँय एचेरे असरागे लगा कहिसाः मेर दोहोगान। हनते हों इबराहीम भगवान एचेरे असरानेनखने बिसवासतेरा।

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

“परबू गारबारे बराव एंडाकेरा अरू कसूरे चलाः एंडागोतेडा, हनाँयग होड़राः जीव-जहन नपाय दोहोनता। परबू तोनोंगीग होड़राः कसूर अनँयग जीवरे मेरेय दोहोगेता, हनाँयग होड़राः जीव-जहन नपाय दोहोनता।”

भगवानराः कागदरे नाःआ इया ओजाःतो इदा; “इबराहीम भगवान एचेरेय बिसवासतेरा, हनालगा भगवान अनँयग ओंगोलरे हाँय बेगर गारबार होड़े ओंगोलबाःकातेरिया।”