Versets bíblics populars de रूमी 1

Comparteix

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

भगवानराः कागदरे ओजाःतो इदा, “भगवान बेगर गारबारीग होड़े बनाड़ाँवकिरिया, हाँयग होड़ बिसवासतेय जियावगोड ञवनता।” हनन इया नपाय सरवनरे बुँहड़ीन अते टुटीग वरीय बिनिसवासगोड ञवनता, हनाँयग होड़ भगवान बेगर गारबारीग होड़े बड़ाँवगेयता।

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

हँकू भगवानराः बदीरे सतायकू सुदीयतान हों, लबरा कतारे बिसवासगे लगाकू मंजूरयना। अरू भगवान अड़ाःतेडखन हाँय तुलाकेरा हना जिया-जउतकून जाग घड़ीनकू सेवायतना। मनदो राइजबड़ीरीग तुलादार भगवान एकला जागगे इयायीग इदानिया। आमीन!

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

दो भगवान हँकुःआ होड़कू अँकूराः एरंगाः ओंगोल इया एचे लगाय अड़ाः एंडागोतेडकुःआ। अँकूरिकुःआ अइमीकू हों नपाय लूर-नेवन अड़ाःकेडखन, अनइमी अइमीकू गेतेग जुमाःआ। हनन इया मरदकू हों नपाय लूर-नेवन अड़ाःकेडखन ललची घड़ीन मनरद मरदकू सुदाकू गेतेग जुमाःआ। अरू अँननकूराः कसूर इया डंडकू पवाःता। हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

हँकू अँननकू अँकू कनहूनदारकू ओंगलुःतना, मनदो हँकू बुयांगयना। हँकू मान मरजइतगे इयायीग अरू कहियो ओरोय गोएगनेना, हाँयग भगवान मेरकू जागगेयतना। मनदो हँकू गुजुःताकू हँकुःआ होड़कू, तितीगकू, जानरकू अरू बींगकूराः मुरतीकून इया भगवानकू बड़ाँवगोतेडिया।