Versets bíblics populars de मूक चेलाकू 2

Comparteix

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

ओहेन सेरमो देस अते हर हराः घड़ीन होय इयाकू अयूमतेरा अरू हँकू दुड़ुःनेना हना जमा ओड़ाःरे हना अरोकू अनायूमतेरा। दो हँकुःआ होड़कू ञेलतेरा सेंगेल धइद अलंग उड़ी हँकू मेमेड होड़ एचेरे उतरावनेना। हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया। हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

जमा बिसवासी होड़कू मिनीरेकू जुमाव हड़ाःआ अरू जमा होड़कू अँकू अँकूराः जमा जिनिसकूनकू हटिंग होड़ेंगा। हँकुःआ होड़कू अँकूराः आन-धान अरू जिनिसकून अकिरिंगतेडखन हुडिंग बगरारेकू दोहोना हँकुःआ होड़कू लगाकू हटिंगतेरा।

परबूराः ञाव गोःकेडखनकू रगेयता, हँकुःआ जनामा होड़कू सडाव जुवाःताकू।

परबूराः मरंग अरू विड़चेड़ इयाःआ हना दिन वेग अते मड़ंग बेर अंदरा जुवाःता अरू बांगो लाल जुवाःता।