Versets bíblics populars de К Римлянам 3

Comparteix

қамахлъютың сыӷлыҳқыхка̄тмыхның. Ынка̄м нӯҳутка̄гут Кияӷныӷым а̄ңылъыҳлъяганун. Иўырңа Кияӷныӷым акиңилңуҳқун тунусямикун налъҳусяқақӣ ылъқуӷутңалъыӷминун итымутистыңитхун, Христос Иисусыкун.

Кияӷныӷым югыт налъҳусяқақӣ ылъқуӷутңалъыӷминун ухпықилъҳитхун Иисус Христосыкун. Та̄на ипаңӯқ тамаҳа̄нун ухпылӷӣнун Христосыкун қаюҳлъяк алъякунъыӷитут

Кияӷныӷым тӯныхкақа̄ Иисус аҳқутңулюку сыӷлыҳқылъыӷнун. Ынка̄м Иисусым а̄ўакун сыӷывутақӣ югыт сыӷлыҳқылъҳит ухпықиңалӷӣт лъңакун. Таўатын лӣгикыстыкақа̄ ылъқуӷутңанилюни. Сивунӷани агани Кияӷныӷым нуқытуткақӣ югыт ынка̄м ныпӣӷуткақӣ сыӷлыҳқылъҳит. Иўырңа ӯми пилъыӷми ипапиҳқа̄ ылъқуӷутңанилюни налъҳусялъыӷмикун алңунак ю̄к ылъқуӷутңалъыӷминун апалъюқлъюки ухпықилъҳит Иисусыкун.

Нанқихтыкумики югыт налъҳусяӷна̄нӷитӣ ылъқуӷутңалъыӷминун қа̄ткутылъҳитхун Лӣлиҳтӯсянун. Итупилъ Лӣлиҳтӯсят лӣтыстӣ югыт сыӷлыҳқыстыңунилюки.

Акузитни Игақыхкани игақңа̄қ: «Та̄ўа кина алңунак ылъқуӷутңанӷитуқ, талўа ата̄сиҳақ. Кина алңунак лӣгикигатуқ, китум алңунак ивӣгата̄ Кияӷнық. Қамахлъюни ю̄к тунутка̄гуқ Кияӷныӷмың; қамахлъютың анахутка̄гут; кина алңунак пинитун пиңигатуқ, талўа ата̄сиҳақ.

Ынка̄м лӣгикаҳпут ю̄к налъҳусяқа̄гуқ Кияӷныӷым ылъқуӷутңалъҳанун ухпықилъыҳқун, нака̄н қа̄ткутылъыҳқун Лӣлиҳтӯсянун.

Йыӷлыгилъю! Тамаҳаӷми ю̄к иқлъыңиқыстыңуӷңа̄н, Кияӷнық ипаңӯқ. Акузитни Игақыхкани Кияӷныӷмың аюқылӷӣ игақңа̄қ хўатын: «Акузиныҳпыни, тамаҳаӷми лӣсимакылъықа̄тын ылъқуӷутңанилютын. Югыт нанқихтыкаңатын, ипапиҳқылъықатын анахутңанилюки».