Versets bíblics populars de К Евреям 12

Comparteix

Қамахлъютың тама̄кут югыт лӣгикыстӣлъю ухпықилъыӷмыхның натын кияҳтылъыӷмыхтыхун. Ма̄тын увитаңиӷлюта ысҳапагақӣлъю. Ынка̄м килга̄қустыстун иқитылътыки қамахлъюки уқихкутат, сыӷлыҳқылъҳытлъю иглягулъҳӣт хўаңкунъун. Сягиқлъютаңам килга̄қулъта сивумнъилңуӷмун, ысҳа̄маклъюку Иисус, пӣнлиӷистыңалъю, апыӷӣӷистыңалъю ухпықилъымта. Кайңунаҳтуқ туқулъыҳқақ қақӯракун, иўырңа Иисусым пикаткумаңита̄ кайңусяӷа̄тылъық. Йыӷлыги накмӣқа̄гуқ икфиқналюни қақӯракун апалъюқлъюку қуялъық алъхыҳсяҳқани. Ынка̄м ма̄тын ақумга̄қ аӷынқигныӷани Кияӷныӷым.

Қуянӣтуқ аӷью̄лъыңнымта қаюҳлъяк ақниҳтақыхкаңилъю. Иўырңа тахталми, лӣтфикнымтыху, ныкыхмылъыңақукут қаюҳлъяк кияҳсягутақукут ылъқуӷулъюта.

Кияҳнақитык ныкыхмытулъюси тамаҳа̄нун югнун, кияҳнақитыклъю сыӷлыҳқылъңунаси. Килъю алңунак пылюңинъыӷилңӯт ысҳаӷна̄нӷита̄т Атанық.

Сюмыҳтаӷа̄ткаҳтыхуқун Иисус. Ӣлъқаюгумаңитуқ қайўа сыӷлыҳқыстыт угумикыра̄ҳлъяӷңа̄тни. Таўатын лъпысилъю илютулъҳӣнъа̄нӷитусилъю, ӣлъқаюгна̄нӷитусилъю.

Тама̄кын апалъюқлъюку игамсиқаюгвикылътыху Кияӷнық қаюҳлъяк тӯныхкаңилъю атаныҳпагулъыӷмың уфсюгусяҳқа̄нӷилңуӷмың. Ынка̄ңам манигӯлътыху Кияӷнық ыфқуӷналъкыхка̄тун алиңылъылиӷлюталъю, қӯлваӷилъылиӷлюталъю

Тугуклъиӷақитыху Кияӷныӷым аӷью̄ӷилъҳа қаюҳлъяк иӷнықылӷӣстун пӣқӣси. Қамахлъюки авақутатың атаңита аӷью̄ӷақӣт налъҳуҳқынъалюки.

қаюҳлъяк Кияӷныҳпут на̄фқӣлӷӣңӯқ кынық.

Атамта нунамылңӯт аӷью̄ӷақӣлъю натыңӣҳақ, сюмыӷмыхни ылъқуҳлъюку аӷью̄ӷиңунилютың. Иўырңа Кияӷныӷым аӷью̄ӷақӣлъю пиниҳқылъыҳқамнъун пылюңӣҳтысқылъюта лъмитун.

Сыӷлыҳқынӷинъақуткылъыҳпыси сялин югнун туқутысигатӣси.