Versets bíblics populars de 2е Тимофею 1

Comparteix

Кияӷныӷым таӷныӷалитылъҳитӣлъю алиңьюгналӷӣмың. Итупилъ Таӷныӷахкынка имиқақӣлъю аҳтуӷьяҳқа̄нӷилъыӷмың, пиниқылъыӷмың, нуқытылъыӷмыңлъю.

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

Тама̄кын апалъюқлъюку нықаңуҳсюгамкын, атуқумаңинаҳу тунусян Кияӷныӷмың, тӯныхкақа̄ ӣхтиӷақңамкын.

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.