Versets bíblics populars de Romano 14

Comparteix

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a. Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

Chok'ae p'anɨne Tachi Chipari pae chok'ae p'anɨma. Mãɨnepa piusidara Tachi Chipari pae piudaipɨ. Mãɨya chok'ae p'anɨne wa piuutade Tachi Chiparidepɨ.

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Mãɨpuru abaɨpa oo bɨ k'orea waa piawẽa pedeadaiwẽa p'anɨma. Mãɨpari sõnepa nãɨya k'ɨ̃risiadai p'anɨma: tachia oo p'anɨnepa ũpẽa abaɨ sida nemietaade baepidaiwẽa p'anɨma.

Tachi Ak'õre pedeade nãɨya bɨ bɨma: «Tachi Chiparipa nãɨya jara bɨma: mɨ piarã chok'ae bɨ pẽra piarãnepa jararuma jõmãɨrã mɨ k'ĩrari sĩraporode k'op'aneenak'ari mɨá pia pedeadaipɨ. Mãɨnepa jõmãɨrãpa “mɨ Tachi Ak'õreane” a jaradaipɨ». Piarã tachicha oodada Tachi Ak'õrea jõma jaradaipɨ.

Ũpẽa abaɨ pida tachia Jesucristode ĩjãa p'anɨ k'orea wapida pia atua bɨpɨra, ichi pia jitat'ɨ. Maamina ichia atua bɨ k'orea ichi ome k'ĩruu pedearãt'ɨ.

¿Pɨ k'aima mãɨya abaɨ pae pari mimiaparí k'orea k'achia pedeait'a? Ichi chiparia puru jaraipɨ pia oo bɨ wa piawẽa oo bɨt'a. Maamina Tachi Chiparipa jaraipɨ jõma ichi pae pari mimiapataɨrãpa pia oo p'anɨ, ichi jua chaareadepa k'aripa bɨ pẽra pia oo p'ananamẽrá.