Versets bíblics populars de Gálata 2

Comparteix

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Tachi Ak'õrepa ichi sõpiadepa oodat'a mɨa itu bɨwẽma. Moisepa bɨda oo p'anɨnepa chi jĩp'a be paara p'ananaipara, Cristo pari piui pasima.

Judiorãwẽpa Moisepa bɨda nea p'anɨ pẽra tachi judiorãpa ãchi nemietá oopataɨrãne apatama. Tachi t'õnaananepa judiorã pẽra mãɨ Moisepa bɨda uru p'anɨma. Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.