Versets bíblics populars de Yowanis 14

Comparteix

"Ŋɔɗaakɔɔ kɔna bɔdɛ, gaɓaakɔɔ kɔna bɔdɛ naak. Yakana bɔdɛ sinɛ gaɓa saakik moko ito sinɛ gaɓɛ ɗookuk. Kat ɓakɛyɗi ɓayɛtun goŋk, ɛ kat ɓuriikɛɛ.

Nɛɓa Yeese jumurgeeɗ kɛ, "Eet gopan, a eekeer, a wɛɛŋa. Kɛɛ iɗit sinɔkoy mɛlɛ son lak Baabɛɛk eete sɔgɔɔsɔyk.

"Kat ɓakɛyɗi ɓayɛtun goŋk. In ŋaadiɗiikɛɛ Waakoyote ɛ ŋaadiɗiikɛɛ eete.

Gaanantan, Wɛɛŋa sigɔ Geetitaanakik sigɛkɔɔ wosɛyki Baabɛ tiriyaakɛ gaanɛkik, rɔɔriyarkɔɔ kɔnu olaatɛ baŋɛ, arirkɔɔ kɔnu a ɗegerari any sinɛ kɔna tonaak baŋɛ.

Iɗit sinɔ boŋu sekiyɛ gaaŋk nɛ ijaagŋɔŋk porutuŋ. Iɗit sinɔ poru eetik poru sɛɛn Baabɛɛŋ. Maɓɔra poraa sɛɛniŋ, yaŋgiɗaakoy ɛɛk naakiŋ."

Nɛkɔɔ kalɛya Baabɛɛ, nɛkɔɔ sɛŋk kɔna gaki Gaanantan om sinɔkoy beeɗiir a iinak nɔkoy nɔkoyk. Sɛɛg Wɛɛŋa eekeeroŋk, sigɔ kir sɛɛg boŋiiɗ joop ɗookoŋk, agut sinɔɓa kirɗi taanta ɛ kirɗi ɗegerɔɔnuk. Ma sɔɔk ɗegerari sɛɛgiŋ agut sinɔ beeɗirɗi a iinakik ɛ atu iinakɛ takik.

Any sinɛ kalɛyiir tiriyaakɛ gaanɛkik baŋɛ ijaagaakɔɔ kɔnaŋ kɛnɔ eemɛyɛɛ Baabɛɛ eete Toomoy nɛɛkɛɛk. Kɛygun jikon ɔkɔn kalɛyiir tiriyaakɛ gaanɛŋ, ijaagaakɔɔ kɔnaaŋ.

"Ɔkɔntu poriiriŋ, in koorɛɛ sekiyɛ gaaŋk.

Lakɛ sooy lak Baabɛɛk godeyik beeɗitoŋk a ɓɔɔkaaŋ. Ma ɔkɔn kɛɛ sɛɛgiŋ, nɛ gunkan kɔna kaa toniiɗ kɛ, 'Ŋaara nɛ kɔna kɛɛɗa ragadkuuna nyonitaak beeɗitoŋk.'

Ɔkɔn ŋaara nɔkɔna kɛɛɗa ragadkuuna nyonŋ, nɛkɔɔ murka kɛkar nɛkɔn kusa boŋa nɔ beeɗiir saadi arkiɗaak.

Nɛɓa Toomaas tongeeɗ kɛ, "Suumi naakɛ, kii ɗegerɔɔn kɛ kɛɛɗin etena, anɛkɔɔ ɗegerii gopan nɛɛk ɛk?"