Versets bíblics populars de रोमि 16

Comparteix

मावोर शान्ति हेवाल परमेस्वर ओर सयताना नाश किस मिया अदिकारते ततानुर। अनि मावोर प्रबु येसु मसि मिकुन दया केविर इन्जोर नना प्रार्थना किन्तोना।

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक।

परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक। इदेक दुनियाता सबोय लोकुरकुन इद येसु मसिना बारेता सोबाता पोल्लोतुन माक वेहिला पहाजे इन्जोर ओर दरोज मन्वाल परमेस्वर आग्या हिस वेहतोर, बाक्याकि परमेस्वर बोद इन्तोर अदेनिगा सबोय लोकुरक विस्वास इरिर अनि पालन केविर इन्जोर। अनि मावोर वरोरे परमेस्वर मन्तोर अनि ओर वरोरे बुद्धिमान मन्तोर, येसु मसिना द्वारा ओर परमेस्वरनाय स्तुति दरोज आयि। आमिन।