Versets bíblics populars de बुतोंग 5

Comparteix

असके पतरस अनि येसुना दुसरो खास चेला लोकुरक हजोर याजकिन इदाम उत्तर हितुर: “मानेयना आग्याताल विळस माक परमेस्वरना आग्याता पालन जरुर कियाला पहाजे।

असा ओरक दरोज प्रार्थना लोतिगा अनि लोहक लोहक हन्जुन उपदेश कियाना अनि येसुये मसि आन्दुर इद सुसमाचार वेहाना रोमोर आतुरक।

असके पतरस ओन पुच्चेमातुर, “हे हनन्याह! निमा पवित्र आत्माता मुने खोटाल वळकति, आपुना डन्डतुन मोमस पुटता डबुंगताल हुचुक डबुंग आपुना हेरे इरति इन्जोर सयतानतुन निमा आपुना मन्दिगा इदाम बुतो कियालाय बाक्या इदाम सन्दि हिति? मोमाना मुने बाताल ओद निया हिले आसि? अनि अदेन निमा मोमसिति असके वने ओद धन बाताल मिया इच्चा अनुसार अदेन उपयोग किया परकि बहे? निमा इदाम खोटाल पोल्लो कियान साटि बाक्या विचार किति? इद खोटाल पोल्लो निमा मानेयतुन आयो मति परमेस्वरतुन वळकतोन।” इव पोल्लोंग केन्जतपा हनन्याह जिवा तासिस अडिय अरतुर, अनि सबोय केन्जवालोरकुन पकाय वरे आतु।

इन्जोर येरक मानेयकताल लके मन्ट अनि येरक मानेयकुन ओरा बुतो साटि तासिम बाक्याकि येरा इद योजना या इद बुतो मानेयनिकेडाल मन्ता ते ओद बुतो आपुनास नाश आयार; मति ओद परमेस्वरनिकेडाल मन्दार ते अदेन निमाट नाश किया परविट अनि निमाट परमेस्वरतुन विरोद केवालोरक इदाम ठहरे मायकिट!” इन्जोर इन्तोर।