Versets bíblics populars de മര്‌ക്കോസു 13

Comparteix

നിമ്മ എനാന പറ്റി സൊല്ലുവാദ്‌നാലെ ആള്‌ഗാളൊട്ടുക്കു നിമാന തൊറേന്ത് തള്ളുവാര്. ആന കഡേഗല മാട്ട്‌ക്ക് നമ്പിക്കേല് ഒറേത്ത് നില്ല്‌ന്റവാന് തപ്പിസി കഡാക്കുവാന്.>>

അയി സമ്യ എന്നാല്‌ക്ക് എന്റ് നിമാക്ക് തെര്യാത്താദ്‌നാലെ നിമ്മ സൊക്കാന സൂസാരിത്ത് ഇര്‌ക്കുഡൊ.

അവാര് നിമാന പ്‌ഡിത്ത് എ്ഡ്‌ത്ത് പോയി എഗുദാര് കോഡിദിക്ക് നില്ല്‌സ്‌ഗാട്ടി അവാര്‌ക്ക് എന്ത്‌ന സൊല്ലുഡൊ എന്റ് നെനേത്ത് അര്‌ക്കപഡാദിര്‌ക്കുഡൊ. അയി സമ്യ നിമ്മ് ബായിക്ക് ബരുവാദ്‌ന സൊല്ലുനു. എന്ത്‌ക്കെന്റ് സൊന്ന നിമ്മല്ല സൊല്ലുവാദ് സാമിനിഗാല്‌ത്തെ സൊല്ലുവു.

ബാന്‌മ് ബൂമിമ് അളിന്ത് പോമു, ആന നാന് സൊന്ന സൊല്ലുസുലാക്കഗാളൊ അളിന്ത് പോഗമാട്ട.>>

<<അയി ബര്യ പോവ നാള്‌മ് ഗളിഗേമ് എന്നാല്‌ക്കെന്റ് ആര്‌ക്ക്‌മ് തെര്യാമാട്ട. മേലോഗാത്ത്‌ല് ഇര്‌ക്കുവ ദൂദാര്‌ഗാള്‌ക്കൊ സാമി മഗാന്‌ക്കൊ അദ് തെര്യാമാട്ട. അദെല്ല അപ്പാനാന സാമി ഒരുത്താന്‌ക്ക്‌ത്തെ തെരിമ്.

നിമ്മ ജുദ്ദഗാള്‌നാമ് ജുദ്ദ ഗേവ സേദിഗാള്‌നാമ് കേ്ള്‌ക്കുവുറു. ആന അദ്‌ക്കെല്ല നിമ്മ അഞ്ചബേ്ഡ. അത്തെല്ല നഡാക്കുഡൊ. എന്റാല്‌മ് അദ് എല്ലാദ്‌ക്ക്‌മ് മുഡിവുത്തെ എന്റ്‌മ് നെനേക്ക ബേ്ഡ.

ബീ്ഡ്‌ഗാറാന് മൂവാന്തിക്കൊ, നഡ്‌ജാമാക്കോ, കോയി ജാമാക്കോ, ബെ്ഡ്യാകാലാക്കോ ബരുവാദ് എന്റ് നിമാക്ക് തെര്യാത്താദ്‌നാലെ നിമ്മ ഒപ്പ ഒരിങ്കിര്‌ക്ക്‌ന്റവാരായി ഇര്‌ന്. അയാള് സട്ടന ബന്ത് കഡാന്തദാന നിമാന ഉറാങ്ക്‌ന്റവരായി കാണ്യ പാങ്കില്ലെ. നിമാക്ക് സൊല്ലുവാദ്‌നത്തെ നാന് ആള്‌ഗാള്‌ക്കൊട്ടുക്കുമു സൊല്ലുന്റെ: <ഉറാങ്കാദെ സൂസാരിത്ത് ഇര്‌ന്!> >>

ഒന്റൊന്റു ജാദിഗാള് ആങ്കീങ്ക് ജുദ്ദ ഗേവാര്. ഒന്റൊന്റു നാഡ്‌ഗാള് ആങ്കീങ്ക് ജുദ്ദ ഗേവാര്. ഒന്റൊന്റു എ്ഡേക്ക്‌റാഗ ബൂമികുലുക്കാമ്, പഞ്ചാമ്, ദൊഡ്ഡുദൊഡ്ഡ നോയിനൊറിഗാള്‌മ് ഉണ്ടാമ്. എന്റാല്‌മ് ഇദെല്ല പ്‌ള്ളെ ഉറുസ്സു ഇ്ളാഗുവാദ്‌ക്ക് സമാത്തെ.

ആന സാമി എല്ലാദ്‌നാമ് ഇല്ലാദെ മാഡുവാദ്‌ക്ക് മുദാല് ഉലഗ പൂര ഈ നല്ല സേദിന സൊല്ലുവാര്.

എഞ്ചോ ആള്‌ഗാള് <നാന്‌ത്തെ ക്‌റ്‌സ്‌ത്ത്> എന്റ് സൊല്ലി എന്ന് പേരെ്ഡ്‌ത്ത് ബരുവാര്. അത്തെ അവാര് എഞ്ചോ ആള്‌ഗാള്‌ന ഏമാത്തുവാര്.

ആന നിമ്മ നിമാന താനെ സൂസാരിക്കുഡൊ. അവാര് നിമാന പ്‌ഡിത്ത് എഗുദാര് കോഡിദിക്ക് എ്ഡ്‌ത്ത് പോവാര്. അവാര് എഗുദാര് പരേസുവ ബീ്ഡ്‌ക്ക്‌റാഗ ബെത്ത് നിമാന സാട്ടെവാര്‌ല് അഡിക്കുവാര്. എന്ന് പേര്‌ന സൊല്ലി അവാര് നിമാന നാഡ് തലെവാര്‌ഗാള് പട്ട്‌ക്ക്‌മ് രാജാവുഗാള് പട്ട്‌ക്ക്‌മ് എ്ഡ്‌ത്ത് പോയി നില്ല്‌സുവാര്. അദുക്കുള നിമ്മ എനാന പറ്റി അവാര്‌ക്ക് സൊല്ലുവുറു.

പഗ്‌ദ്യാള്‌ഗാള് തമ്മാത്തെ ക്‌റ്‌സ്‌ത്ത് എന്റ്‌മ് ബേ്റെ പഗ്‌ദ്യാള്‌ഗാള് തമ്മാത്തെ സാമിദാസ്‌ഗാള് എന്റ്‌മ് ഉറുട്ടു സൊല്ലി ബരുവാര്. അവാര് സാമി പട്ട്‌ലിന്ത് ബന്തവാര് എന്റ് കാട്ട്യ ദൊഡ്ഡുദൊഡ്ഡ അദിസ്യഗാള് ഗേവാര്. മുഡിന്തളാവുക്കു സാമി തെരിന്തെ്ഡ്‌ത്തവാര്‌ന ഗുഡി ഏമാത്ത്യ ബേ്ണ്ടി അവാര് ഇദെല്ല ഗേവാര്.

<<ഈ കജട്ടഗാള് തീന്ത പ്‌റ അയി കാലാത്ത്‌ല് <നേര ഇ്റ്‌ണ്ട് പോമു. നിലാവു ബെ്ള്‌സ അദിഗ നാള് അഡിക്കമാട്ട, ബാന്‌ലിന്ത് ബെ്ള്ളിഗാള് അലേന്ത് കൊണ്ടു ഇര്‌ക്കുവു. ബാന്‌ല് ഇര്‌ക്കുവാദ് ഒട്ടുക്കു അദ്‌റ്‌സിതള്ളുവു.>