Versets bíblics populars de ലൂക്കോസു 12

Comparteix

നിമ്മ നെനേക്കാത്ത ഗളിഗേക്ക് മന്‌സാനായി പ്‌റാന്തവാന് ബരുവാദ്‌നാലെ നിമ്മാമ് ഒരിങ്കിര്‌ന്.>>

സാമി നിമാന ആള്യ ബേ്ണ്ടി ആസെപഡ്‌ന്. അന്നാപ്പ് ഈ കാര്യഗാളെല്ല നിമാക്ക് കെ്ഡേക്ക്‌മ്.

പ്‌റസാരി ഏസ്സ് എല്ലാ ആള്‌ഗാള്‌ക്ക്‌മ്: <<എല്ലാ ദിന്‌സ്‌ല പേരാസെഗാള്‌ക്ക്‌മ് അഡിമെപഡാദിര്‌ക്ക്യ സൂസാരിത്തിര്‌ന്. ഒരുത്താന് എന്തെല്ല സമ്പാരിത്ത് സേത്തി ബെത്താല്‌മ് നേര്‌മാന പെ്ളേപ്പ്‌ന നല്ലാദ് മാഡുവാദ് അയാള്‌ക്ക് ഇര്‌ക്കുവ കാര്യഗാളല്ല>> എന്റ് സൊന്നാന്.

നിമ്മ ഏദ്‌ല് സൊത്തു സേത്തി ബെത്ത്‌റ്‌ക്ക്‌ന്റ്‌റൊ അദ്‌ല്‌ത്തെ നിമ്മ് മനേസ്സ്‌മ് ഇര്‌ക്ക്‌മ്.>>

നിമ്മ അദ്‌ന നെനേത്ത് അര്‌ക്കപഡുവാദ്‌നാലെ നിമ്മ് ആയിസ്‌ന ലേസെന്റാല് കൂട്ട്യ നിമാക്ക് മുഡിമ?

ഏസ്സ് തന്ന് സൊല്ലുപഡി നഡാക്ക്‌ന്റവാര്‌ക്ക് ഇത്തെ സൊന്നാന്: <<അദ്‌നാലെ പെ്ളേക്ക്യ ബേ്ണ്ടി എന്ത്‌ന തിന്നുവേന് എന്റൊ, എന്ത്‌ന ഇക്കി ഉരുവുന മറേസുവേന് എന്റൊ നെനേത്ത് നിമ്മ അര്‌ക്കപഡാദേന്.

നിമ്മ് തലേല തലെമൂര് എഞ്ച്‌ക്ക് ഇര്‌ക്ക്‌ന്റ് എന്റ്‌ഗുഡി സാമി എ്ണ്ണ്‌സി ബെത്ത്‌റ്‌ക്ക്‌ന്റാന്. അദ്‌നാലെ നിമ്മ അഞ്ചദേന്. എഞ്ചോ സ്‌ട്ടെ പക്കിഗാള്‌ന ബ്‌ഡ എത്ത്‌റാഗോ ബെലെപെറ്റവാര്‌ത്തെ നിമ്മ.>>

സ്‌ന്ന ആഡ് കൂട്ടഗാളെ, അഞ്ചദേന്. നിമാന സാമി ആളുവ നാഡ്‌ക്ക് പട്ടവാര് മാഡ്യ ബേ്ണ്ടി നിമ്മ് അപ്പാനായിര്‌ക്കുവ സാമിക്ക് പിര്യപ്‌ഡിത്ത്‌റ്‌ക്ക്‌ന്റ്.

കാക്കെഗാള്‌ന നോഡുനു. അദ്‌ഗാള് ബിത്തുവാദ്‌മില്ലെ അറുക്കുവാദ്‌മില്ലെ. അദ്‌ഗാള്‌ക്ക് ബെ്ള്ളാമെന സേത്തി ബെക്കുവ ബീ്ഡ്‌മ് ബല്ലാമ് ഇല്ലെ. എന്റിന്ത്‌മ് സാമി അദ്‌ഗാള്‌ന പെ്ളേസ്‌ന്റാന്. ആന നിമ്മ പക്കിഗാള്‌ന ബ്‌ഡ എത്ത്‌റാഗോ ബെലെ ഇര്‌ക്ക്‌ന്റവാര്‌ത്തെ.

അദ്‌നാലെ എന്ത്‌ന തിന്നുവേമ് എന്ത്‌ന കുഡിക്കുവേമ് എന്റ് നെനേത്ത് നിമ്മ അര്‌ക്കപഡാദേന്.

ഇന്നാലിര്‌ക്കുവാദ്‌മ് നാളേക്ക് തീക്കിക്കി സുട്ടുമു തള്ളുവ ഈ സെ്ഡിന സാമി ഇത്ത്‌റാക്ക്‌മ് അളഗളാഗ മാഡുവദാന സാമ്യോഡ ദൊഡ്ഡ നമ്പിക്കില്ലാത്തവാരെ, സാമി നിമാന എത്ത്‌റ നലമായി ഉഡുപ്പിക്കുസുവാന്!

ആരാറ്റ എന്ത്‌നെല്ല ഒളിസി ബെത്താല്‌മ് അദ്‌നെല്ല സാമി ബെ്ളിഗെ കഡാത്തുവാന്, സൂഗാന സൊല്ലുവാദ്‌നെല്ല സാമി കാട്ടി കൊഡുക്കുവാന്.