Versets bíblics populars de མེ་ཐིའུ་ལེའུ་ 26

Comparteix

གཉིད་མ་ལོག་པར་སྨོན་ལམ་བཏབ་སྟེ་སྡོད་ དེ་ལས་ཁྱེད་རང་བར་ཆད་ནང་མི་ཚུད་ སེམས་ཀྱིས་འབད་དགོ་མནོ་རུང་ ལུས་ཀྱི་རང་བཞིན་དེ་ཉག་ཕྲ་སི་སི་ཨིན་མས་ཟེར་གསུངས་ནུག

ཁོ་གིས་ཁོང་ལུ་ ངེ་གི་སེམས་སྡུག་བསྔལ་གྱིས་གདུངས་ཏེ་ དོན་ཧིང་ཡང་འགས་ཏེ་ཤི་ནི་བཟུམ་ལུ་ཐུག་ཅི་ ཁྱེད་ནཱ་ང་དང་གཅིག་ཁར་དྲན་པ་བཏོན་ཏེ་སྡོད་ཟེར་གསུངས་སྦེ།

ཁོ་ཨ་ཙི་ཕར་བྱོན་ཞིནམ་ད་ ཕྱག་འཚལ་ཏེ་ཞལ་མར་གུག་སྟེ་ སྨོན་ལམ་དེ་སྦེ་ཞུ་ནུག་ ཀྱེ་ངེ་གི་ཡབ་ག་དེམ་ཅིག་སྦེ་ཐབས་ཤེས་ཡོད་པ་ཅིན་ ཨ་ནི་སྡུག་བསྔལ་གྱི་ཕོརཔ་འདི་ ངེ་གི་གུ་ལས་འཐུ་བསྣམས་གནང་ མ་གཞི་ངེ་གི་འདོད་པ་ལྟར་དུ་འབད་དགོ་ཟེར་ཞུཝ་མེན་ ཨིན་རུང་ ནཱ་གི་ཐུགས་དགོངས་དང་འཁྲིལ་ཏེ་མཛད་གནང་ཟེར་ཞུ་སྦེ།

ཨ་ནི་བཞེས་ཆ་ནང་ཡོད་མི་ཁྲག་དེ་ དཀོན་མཆོག་གི་ཞལ་འཆེས་གསརཔ་འདི་ཨིན་ ངེ་གི་ཁྲག་དེ་ མི་སེར་ལེ་ཤ་གི་སྡིག་པ་བཀའ་དྲིན་བསྐྱང་ནིའི་དོན་ལུ་བླུག་བླུགཔ་ཨིན།

དེ་ལས་ཁོང་ཚོགས་བཞེས་པའི་བསྒང་ཡེ་ཤུ་གིས་ ཏད་ཟས་ཕྱག་ལུ་བསྣམས་སྦེ་ བཀའ་དྲིན་ཆེ་ཟེར་ཞུ་ཞིནམ་ད་ བཅགས་སྦེ་ སློབ་མ་ཚུ་ལུ་གནང་སྟེ་ ཨ་ནི་ངེ་གི་གཟུགས་ཨིན་ ལེན་ཏེ་ཟ་ཟེར་གསུངས་སྦེ།

བཞེས་ཆ་འདི་ཕྱག་ལུ་བསྣམས་ཏེ་ དཀོན་མཆོག་ལུ་བཀའ་དྲིན་ཆེ་ཟེར་ཞུ་སྦེ་ ཁོང་ལུ་གནང་སྟེ་ ཁྱེད་ག་ར་འདི་ནང་ལས་འཐུང་།

ཁོ་སློབ་མ་ཚུ་ཡོད་སར་ལོག་འབྱོནམ་ད་ ཁོང་ག་ར་གཉིད་ལོག་སྡོད་ས་གཟིགས་ཏེ་ ཡེ་ཤུ་གིས་ པེ་ཏྲོ་ལུ་ཁྱེད་ཀྱིས་ཆུ་ཚོད་གཅིག་ཡང་གཉིད་མ་ལོག་པར་ ང་དང་གཅིག་ཁར་སྡོད་མི་ཚུགས་པས་ག།

ང་གིས་ཁྱེད་ལུ་སླབ་དོ་ ཁྱེད་དང་གཅིག་ཁར་ངེ་གི་ཡབ་ཀྱི་རྒྱལ་སྲིད་ནང་ རྒུན་འབྲུམ་ཆང་གསརཔ་དེ་མ་འཐུང་ཚུན་ཚོད་ ང་གིས་ཆང་འདི་ད་རུང་མི་འཐུང་ཟེར་གསུངས་ནུག

དེ་ལས་ པེ་ཏྲོ་གིས་ ཡེ་ཤུ་གིས་ཁྱོད་ཀྱིས་བྱ་པོད་མ་འབོ་པའི་ཧེ་མ་ལས་ ཚར་གསུམ་ང་ལུ་ངོ་མི་ཤེས་ཟེར་སླབ་འོང་ཟེར་གསུངས་མི་དེ་ དེ་འཕྲོ་ལས་ཁོ་རང་གི་སེམས་ཁར་དྲན་ཏེ་ ཕྱི་ཁར་འགྱོ་སྟེ་གནམ་མེད་ས་མེད་སྔུ་ནུག།

ད་ཡར་ལོངས་ཤིག་ ང་བཅས་འགྱོ་གེ་ ང་ལུ་ངོ་ལོག་རྐྱབ་མི་དེ་ ནཱ་ལྷོད་ཅི་ཟེར་གསུངས་ནུག།

ཡེ་ཤུ་གིས་ཁོ་ལུ་ སྒྲོ་གཟུགསམ་ཕར་ལོག་ ཤུབས་ནང་བཙུགས་ཤིག་ ག་ཅི་སྨོ་ཟེར་བ་ཅིན་ སྒྲོ་གཟུགསམ་བཤེད་མི་དེ་ མཐའ་མ་སྒྲོ་གཟུགསམ་གིས་རང་ཤི་འོང་ཟེར་གསུངས་ནུག