Versets bíblics populars de མེ་ཐིའུ་ལེའུ་ 21

Comparteix

དད་པ་བསྐྱེད་དེ་ སྨོན་ལམ་ནང་ག་ཅི་རང་ཞུ་རུང་ ཁྱེད་ཀྱིས་ཐོབ་ཟེར་གསུངས་ནུག།

དེའི་ལན་ལུ་ཡེ་ཤུ་གིས་ ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་ཀྱིས་ཐེ་ཚོམ་ག་ནི་ཡང་མེད་པར་ དད་པ་བསྐྱེད་དེ་འབད་བ་ཅིན་ ང་གིས་ཨ་ནི་ཅོང་སེ་ཤིང་འདི་ལུ་འབད་དོཝ་བཟུམ་སྦེ་ ཁྱེད་ཀྱིས་ཡང་འབད་ཚུགསཔ་མ་ཚད་ ཁྱེད་ཀྱིས་ཨ་ནི་སྒང་འདི་ལུ་ མར་རྒྱ་མཚོ་ནང་མཆོངས་ཟེར་སླབ་རུང་ དེ་བཟུམ་སྦེ་རང་འབྱུང་འོང་།

དེ་ལས་ཡེ་ཤུ་གི་སྐུ་མདུན་ལས་འགྱོ་མི་དང་ སྐུ་རྒྱབ་ལས་འོང་མིའི་མི་དམངས་ཀྱིས། རྒྱལཔོ་ ད་བིད་ཀྱི་བུ་བརྒྱུད་ལུ་ ཧོ་སཱན་ན་ གཙོ་བོའི་མཚན་ནང་བྱོན་མི་དེ་ བྱིན་རླབས་ཅན་ཨིན་ ག་ར་ལས་མཐོ་བའི་དཀོན་མཆོག་ལུ་ ཧོ་སཱན་ན་ཟེར་ སྐད་བརྐྱབས་ནུག

ཡེ་ཤུ་གིས་ཁོང་ལུ་ གསུང་རབ་ནང་དཀོན་མཆོག་གིས། ངེའི་ཁྱིམ་འདི་སྨོན་ལམ་བཏབ་སའི་ཁྱིམ་ཨིན་ཟེར་ བྲིས་ཏེ་ཡོད་ དེ་འབདཝ་ད་ ཁྱེད་ཀྱིས་ཨརཝ་གི་ཚང་བཟུམ་སྦེ་ བཟོ་བཞགཔ་ཨིན་མས་ཟེར་གསུངས་ནུག

ཟི་ཨཱོན་ ཁྲོམ་གྱི་མི་ཚུ་ལུ་དེ་སྦེ་སླབ་ བལྟ་ཤིག་ ཁྱེད་ཀྱི་རྒྱལཔོ་བྱོན་དོ་ ཁོ་མཉམ་ཆུང་སྦེ་ཕེབས་དོ་ བོང་ཀུ་ཕྱུག་ཀུ་ གཅིག་གུ་ཆིབས་ཏེ་ ཁྱེད་སྡོད་སར་བྱོན་དོ་ཟེར་ གསུངས་མི་དེ་འགྲུབ་པའི་དོན་ལུ།

ཡེ་ཤུ་གིས་ཁོང་ལུ། རྩིགཔ་བཟོ་བོ་གིས་ མ་དགོ་པར་བཞག་མི་རྡོ་འདི་ ཁག་ཆེ་ཏོག་ཏོ་གཅིག་ལུ་འགྱུར་ནུག་ འདི་ཚུ་ག་ར་ གཙོ་བོ་གིས་མཛད་མཛདཔ་ཨིན་ དེ་ང་བཅས་ཀྱི་མིག་ཏོ་ཁར་ ཡ་མཚན་ཆེ་ཏོག་ཏོ་ཨིན་ཟེར་ གསུང་རབ་ནང་བྲིས་བཞག་མི་དེ་ ཁྱེད་ཀྱིས་མ་ལྷབ་ག།

དེ་འབདཝ་ལས་ང་གིས་ཁྱེད་ལུ་སླབ་ཨིན་ དཀོན་མཆོག་གི་རྒྱལ་སྲིད་འདི་ཁྱེད་ལས་ལེན་ཏེ་ འབྲས་བུ་ལེགས་ཤོམ་སྦེ་བཏག་མིའི་མི་རིགས་གཞན་ལུ་སྤྲོད་འོང་།